តារាប្រុសស្រីល្បីៗកម្ពុជា គ្រោងជួបគ្នាស្វាគមន៍ ISO របស់ Cambodia Beer

2015-05-18 22:59:11
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាល្បីៗរបស់កម្ពុជា ដែលមានទាំងតារាសម្ដែង និងតារាចម្រៀងផង គ្រោងនឹងជួបជុំគ្នាល្ងាចនេះ ក្នុងកម្មវិធី ការទទួលបានវិញ្ញាបនបត្រ ISO របស់ស្រាបៀកម្ពុជា។

ពួកគេទាំងនោះមាន ឱក សុគន្ធកញ្ញា ប៊ុត សីហា ម្ចាស់ពាន The Voice Cambodia ឆ្នាំទី១ លោក Jimmy Kiss និងកញ្ញា ទេព បូព្រឹក្ស ជាដើម។ ពួកគេនឹងមានបទចម្រៀងជាច្រើនបទសម្រាប់ស្វាគមន៍ និងកំដរអារម្មណ៍ភ្ញៀវកិត្តិយសដែលតាមព័ត៌មានខ្ទង់ជាង ៧០០នាក់ នឹងមានវត្តមាន ដោយក្នុងនោះ គ្រាន់តែ ប៊ុត សីហា តែម្នាក់ឯងត្រៀម ៦បទទៅហើយ។

តាមមន្ត្រីផ្នែកទំនាក់ទំនងកិច្ចការសាធារណៈរបស់ក្រុមហ៊ុនស្រាបៀកម្ពុជា បានឲ្យដឹងថា ក្រៅពីតារាចម្រៀងប៉ុន្មានដួងខាងលើ តារាសម្ដែង តារាម៉ូដែលជាច្រើនដួងទៀតរបស់កម្ពុជា រួមជាមួយថ្នាក់ដឹកនាំ ក៏ដូចជាប្រធានក្រុមហ៊ុន អ្នកឧកញ៉ា អ្នកមុខអ្នកការជាច្រើនរូបទៀតផង ក៏នឹងមានវត្តមានក្នុងកម្មវិធីខាងលើនេះដែរ។

“នៅមានក្រុម Cartoon Emoទៀត ដែលពួកគេនឹងមានការសម្ដែងរាំពិសេសរបស់ពួកគេ។ ដោយឡែកភ្ញៀវកិត្តិយសវិញ ពីដំបូងគ្រោងតែប្រមាណជា ៧០០នាក់ទេ តែឥឡូវចេះតែឡើងដល់ជាង ៨០០នាក់ហើយ"។ លក្ខណ៍ មន្ត្រីទំនាក់ទំនងសាធារណៈរបស់ក្រុមហ៊ុនស្រាបៀកម្ពុជាបន្ថែម។

សិល្បករ សិល្បការិនីខ្មែរ រួមជាមួយមន្ត្រី អ្នកមុខអ្នកការ អ្នកឧកញ៉ា ជាដើមផង ពួកគេនឹងចូលរួមជាកិត្តិយសក្នុងកម្មវិធីប្រកាសពីការទទួលបានវិញ្ញាបនបត្រពីអង្គការស្តង់ដារអន្តរជាតិ ហៅកាត់ថា ISO ដែលនឹងប្រព្រឹត្តទៅល្ងាចនេះនៅសណ្ឋាគារសូហ្វីតែល។

តាមលោក អ៊ឹម សុធារិទ្ធ នាយកផ្នែកទំនាក់ទំនងក្រុមហ៊ុនស្រាបៀកម្ពុជា ប្រាប់ថា វិញ្ញាបនបត្រដែលក្រុមហ៊ុនរបស់លោកទទួលបាននាពេលនេះ មានចំនួន២ ក្នុងនោះទី១វិញ្ញាបនបត្របញ្ជាក់ពីការគ្រប់គ្រងគុណភាព និងទី២វិញ្ញាបនបត្រផ្នែកបរិស្ថាន។ "តាមពិតយើងទទួលបានតាំងពីខែមករាម្ល៉េះ ក្រោយគេចុះមកអង្កេតធ្វើការជាមួយយើងជិត១ឆ្នាំ ហើយយប់នេះគេនឹងប្រគល់ឲ្យយើងផ្លូវការ ដោយលោក ចនស្តុន មកពីអង់គ្លេសមកប្រគល់ឲ្យយើងផ្ទាល់នៅមុខឯកឧត្តម ចម ប្រសិទ្ធ ជាសាក្សី"។ លោក បន្ថែម។

សមិទ្ធផលនេះ លោក សុធារិទ្ធ ថ្លែងថា គឺជាមោទនភាព និងកិត្តិយសរបស់ក្រុមហ៊ុនស្រាបៀកម្ពុជាក្នុងនាមជាក្រុមហ៊ុនវិនិយោគដោយខ្មែរ និងបុគ្គលិកបម្រើសុទ្ធជាខ្មែរ។ នេះនិយាយចំពោះក្រុមហ៊ុន ប៉ុន្តែនិយាយពីអតិថិជនវិញ នេះគឺសារសំខាន់មួយទាំងអតិថិជនបច្ចុប្បន្ន និងអតិថិជននាពេលអនាគតរបស់ក្រុមហ៊ុន ដែលអាចឲ្យពួកគេកាន់តែមានទំនុកចិត្ត។ លោក ថ្លែងទៀតថា ក្រុមហ៊ុននឹងខិតខំពង្រឹងបន្ថែមទៀតមិនឈប់ឈរឡើយ ៕

អត្ថបទ៖ ទារិកា

ពាក្យទាក់ទង

សកម្មភាពតារាជាតិ

អត្ថបទពេញនិយម

តើវាពិតជាដល់ទីបញ្ចប់របស់ Manchester City ឬយ៉ាងណា បើ១១ប្រកួតចុងក្រោយឈ្នះតែម្ដងគត់?

២០ ឆ្នាំមុន ស្រ្តីបរទេសម្នាក់ ចំណាយប្រាក់១៥០០០ ដុល្លារ ទិញកោះមួយ សព្វថ្ងៃក្លាយជា កោះសង្សារ លំដាប់អភិជន

Samsung វិនិយោគ ៧ប៊ីលានដុល្លារ ដើម្បីពង្រីកអាជីវកម្ម១នៅចិន

ស្ត្រីវ័យចំណាស់បើកឡាន ២៥គីឡូម៉ែត្រ ទាំងមិនដឹងឡានអត់កង់

ធ្លាប់ឆ្លងកាត់សម័យកាលជូរចត់ ទៅរស់នៅអាមេរិក ស្រ្តីខ្មែររូបនេះ កំពុងធ្វើរឿងដ៏គួរឱ្យកើតសរសើរមួយ

ទម្លាយមូលហេតុដែលតារាជើងចាស់ ឌី សាវ៉េត សុខចិត្តបើកឡានខ្លួនឯង ទោះមានវ័យច្រើនក្តី

អត្ថបទថ្មី

លោក សុខ ទី៖ អ្នកចូលចិត្តសាករសជាតិកាហ្វេសថ្មីៗគួរចូលហាង Chao Doi ទាំងរសជាតិ និងបរិយាកាសស័ក្តិសមដល់អ្នកធ្វើការ ឬសិស្សនិស្សិត

សហព័ន្ធខ្មែរកីឡាហែលទឹក៖ តម្លៃពិតប្រាកដគឺលើខ្លួនយើង មិនអាស្រ័យតែលើវិញ្ញាបនបត្រ

ស៊ិន ឌី អាចឈរជើងយ៉ាងរឹងមាំក្នុងអាជីវកម្មជាង ៤ឆ្នាំ ដោយសារបុគ្គលិក ៣រូប លោកទើបបង្ហាញមុខថ្ងៃនេះ

លក្ខណៈអំណោយផលខាងសិល្បៈទាំងនេះ មិនទាន់មានតារាចម្រៀងជំនាន់ថ្មីណាម្នាក់ ជំនួស ព្រាប សុវត្ថិ បាន!