​តាម​របាយការណ៍​ថ្មី​មួយ​បាន​ឲ្យ​ដឹង​ថា​ ក្រុមហ៊ុន​ Apple ​​គ្រោង​នឹង​ដាក់​បង្ហាញ​ចេញ​កុំព្យូទ័រ​​ MacBook Pro​ ១៥ អ៊ីញ ​និង​​ iMac ​២៧​ អ៊ីញ​ក្នុង​ថ្ងៃ​ពុធ​ស្អែក​នេះ​ ដោយ​ម៉ូដែល​ទាំង​ពីរ​នេះ​នឹង​ធ្វើ​ការ​ Update ថ្មីទាំង​លើ​ផ្នែក​ Hardware ល្បឿន ហើយ​ថែម​ទាំង​បញ្ចូល​នូវ​បច្ចេកវិទ្យា​​ Force Touch trackpad ​ទៅ​លើ​ម៉ូដែល​​ Pro ថែម​ទៀត​ផង។ នេះ​បើ​តាម​ប្រភព​ព័ត៌មាន​នៅ​លើ​គេហទំព័រ​របស់​បារាំង​មួយ​ឈ្មោះ​ថា​ MacG។

ចំពោះ​ម៉ូដែល MacBook Pro ​១៥​ អ៊ីញនឹង​ដាក់​បញ្ចូល​នូវ​បច្ចេកវិទ្យា​​ Force Touch trackpad,​ CPU​ ជំនាន់​ថ្មី​ និង​បង្កើនផ្នែកក្រាហ្វិក​ដូច​ទៅ​នឹង​ MacBook Pro ១៣ អ៊ីញអេក្រង់​ Retina display ដែល​បង្ហាញ​កាល​ពី​ខែ​មីនា​ដើម​ឆ្នាំ​នេះ​ដែរ។ បន្ថែម​ទៅ​ទៀត​នោះ​​ MacBook Pro ​ក៏​ប្រហែល​ជា​នឹង​បង្កើន​នូវ​ថាមពល​ថ្ម​ថែម​ទៀត​ផង។

​ស្រដៀង​គ្នា​នេះ​ដែរ​ចំពោះ​​  iMac អេក្រង់​ ២៧​អ៊ីញ​ ក៏​​ប្រហែល​ជា​នឹង​បំពាក់​ដោយ​ Hardware​ ជំនាន់​ថ្មី​​ដូច​ជា​ 5th-gen Intel Core processor និង​ផ្នែកផ្សេង​ៗ​ទៀត។ ប៉ុន្តែ​ការ​ Update ថ្មី​នេះ​គ៏​មិន​ទាន់​ច្បាស់​ថា​លើ​ម៉ូដែល​ដែល​បំពាក់​ដោយ​អេក្រង់​ប្រភេទ Ratina ឬ Non-Ratina នោះទេ។

​ចំពោះ​​លក្ខណៈសម្បត្តិ​​លម្អិត​បន្ថែម​គឺ​មិន​ទាន់​បាន​បញ្ជាក់​ច្បាស់​នៅ​ឡើយ​នោះ​ទេ ហើយ​សម្រាប់​​ការ​ដាក់​លក់​វិញ​​ត្រូវ​បាន​គេ​រំពឹង​ទុក​ថា​នឹង​ចាប់​ផ្ដើម​​នៅ​ថ្ងៃ​ស្អែក​នេះ៕

អាន​បន្ត៖ ៣​ចំណុច​រៀប​រាប់​ពី​គុណ​សម្បត្តិ​ និង​គុណ​វិបត្តិរបស់​ Macbook​ ស៊េរី​ថ្មី

ប្រែ​សម្រួល៖ សំនៀង

ប្រភេព៖ redmondpie