អ៊ុន សិទ្ធា លើកពានតារាបង្ហាញម៉ូដនៅប្រទេសកូរ៉េ

2015-05-19 16:44:28
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងម៉ូដែល អ៊ុន សិទ្ធា ថ្មីៗនេះ ត្រូវបានគេឃើញលើកពានតារាបង្ហាញម៉ូដនៅប្រទេសកូរ៉េ ក្នុងកម្មវិធីមួយចាក់ផ្សាយលើកញ្ចក់ទូរទស្សន៍ KBS ដ៏ល្បីរបស់កូរ៉េ។

សាមីខ្លួន បានប្រាប់ថា លោកពិតទទួលបានពានមួយមែននៅកូរ៉េថ្មីៗនេះ ហើយកម្មវិធីនោះមានឈ្មោះថា Asia Model Award 2015។ "បាទបងខ្ញុំពិតជាទទួលបានពានមួយមែនហើយការទៅហ្នឹងមិនមែនជាការប្រកួតទេបង គ្រាន់តែតំណាងក្រុមហ៊ុនបង្ហាញម៉ូដរបស់ខ្មែរទើបនឹងបង្កើតថ្មីមួយឈ្មោះ Star Model ហើយ ខ្ញុំ និង អ៊ុន អាលីស្សា ត្រូវបានជ្រើសរើសជាតំណាងតារាបង្ហាញម៉ូដកម្ពុជាទៅចូលរួម"។ សិទ្ធា ថ្លែង។

ទោះយ៉ាងនេះក្ដី អ៊ុន សិទ្ធា បានបង្ហាញពីអារម្មណ៍ត្រេកអរដែលបានចូលរួមក្នុងកម្មវិធីខាងលើនេះ ដោយបានចូលរួមជាមួយតារាមកពីប្រទេសក្នុងតំបន់អាស៊ីផ្សេងទៀត ផ្សំនឹងអ្វីដែលលោកទទួលបាន គឺបានលើអាជីពដែលលោកស្រឡាញ់បំផុតផង។

"នេះជាអាជីពដែលខ្ញុំស្រលាញ់បំផុត ហើយលើកនេះក៏អាចនិយាយបានថាជាលទ្ធផលធំធេងហើយពានហ្នឹងវាក៏ប្រៀបដូចជាសញ្ញាបត្រមួយដែរក្នុងការបញ្ជាក់ប្រាប់ថាខ្ញុំជាអ្នកបង្ហាញម៉ូដម្នាក់។ ខ្ញុំនិងកញ្ញា អ៊ុន អាលីហ្សា បានទទួលពានម្នាក់មួយតំណាងឲ្យ Super Starរបស់ប្រទេសកម្ពុជា"។

កម្មវិធីបានដំណើរការរយៈពេល៥ថ្ងៃដោយរាប់តាំងពីថ្ងៃទី២០ខែមេសារហូតដល់ថ្ងៃទី២៥ខែឆ្នាំដដែល។ ទោះយ៉ាងនេះក្ដី សម្រាប់លោក និងតារាមកពីប្រទេសផ្សេងត្រូវ ត្រូវតម្រូវឲ្យទៅដល់តាំងពីថ្ងៃ១៤មេសាមកម្ល៉េះ។ សិទ្ធា ប្រាប់ថា ក្រៅពីលោក និង អាលីហ្សា នៅមានតារាខ្មែរ២គូទៀតប៉ុន្តែថា លោកអត់បានចាំឈ្មោះពួកគេទេ។

ទាក់ទងទៅនឹងការកម្មវិធីខាងលើនេះដដែល តួប្រុសក្នុងរឿង "ក្រមុំសៅកែ" រូបនេះ ប្រាប់ថា គឺផ្ដោតទៅលើការបង្ហាញម៉ូដ និងស្នាដៃរបស់អ្នករចនាម៉ូដសំលៀកបំពាក់របស់តារាមកពីប្រទេសនានា។ សម្រាប់ សិទ្ធា និងអាលីហ្សា ទទួលបានការឧបត្ថម្ភពីហាងកាត់ដេរ ខេមរិន្ទ សម្រាប់ដំណើរទៅប្រលងនៅប្រទេសកូរ៉េថ្មីៗនេះ៕