អ្នក​ដែល​ចូល​ចិត្ត​ទស្សនា​ភាពយន្ត​បរទេស​នៅ​ផ្ទះ​មួយ​ចំនួន ​តែង​ជួប​បញ្ហា​មិន​មាន​អក្សរ​ជា​ភាសា​អង់គ្លេស​ ឬ​ភាសា​ដទៃ​រត់​ពី​ក្រោម​ (Subtitle)​ នៃ​វីដេអូ​នេះ​ ដែល​ធ្វើ​ឲ្យ​គេ​ពិបាក​យល់​អត្ថន័យ​នៃ​រឿង។

ប៉ុន្តែ​បើ​អ្នក​ជួប​បញ្ហា​នេះ​ ហើយ​ចង់​បាន​ Subtitle ​ដាក់​ទៅ​ក្នុង​រឿង​ អាច​សាក​ល្បង​វិធី​សាស្ត្រ​ងាយ​ៗ​​ខាង​ក្រោម​នេះ​បាន៖

១. ទាញ​យក​​ និង​ដំឡើង​​កម្ម​វិធី​ VLC Player៖ កម្ម​វិធី​នេះ​អាច​ឲ្យ​អ្នក​ធ្វើ​ការ​ទាញ​យក​ដោយ​ឥត​គិត​ថ្លៃ​បាន។ ចុច​ទី​នេះ(http://www.videolan.org/vlc/download-windows.html​) ដើម្បី​ធ្វើ​ការ​ទាញ​យក​កម្ម​វិធី

២. ទាញ​យក​ Subtitle​នៃ​រឿង​ដែល​អ្នក​ចង់​ទស្សនា៖ អ្នក​អាច​ធ្វើ​ការ​ស្វែង​រក​ Subtitle ​តាម​រយៈ​ Google ​ជា​ភាសា​អ្វី​ដែល​អ្នក​ចង់​បាន​អង់គ្លេស​ ចិន​ ឬ​បារាំង​ ហើយ​file ​នៃ​ Subtitle​ នោះ​ត្រូវ​តែ​ជា​ប្រភេទ​ .srt ឬ​.ssa

៣. ដាក់​ Subtitle​ ដែល​អ្នក​ទាញ​យក​រួច​ហើយ​នោះ​ទៅ​ក្នុង​ Folder​ តែ​មួយ​នៃ​ វីដេអូ​នៃ​រឿង​ដែល​អ្នក​ចង់​ទស្សនា។ ហើយ​ឈ្មោះ​របស់​រឿង​ និង​ Subtitle​គឺ​ត្រូវ​តែ​កែ​ឲ្យ​ដូច​គ្នា

៤. ចាក់​រឿង​ដែល​អ្នក​ចង់​ទស្សនា​តាម​រយៈ​កម្ម​វិធី​ VLC

៥. បញ្ចូល​ Subtitle​ទៅ​ក្នុង​រឿង​នោះ​ ដោយ​ស្វែង​រក​ពាក្យ​ "Subtitle” នៅ​លើ​ Menu Bars​ បន្ទាប់​មក​ជ្រើស​យក​ពាក្យ​ “Add Subtitle File”  ហើយ​ស្វែង​រក​នូវ​ Subtitle ​របស់​អ្នក​នោះ​ជា​ការ​ស្រេច

ប្រិយមិត្ត​ទាំង​អស់​គ្នា​សាក​ល្បង​ល​មើល​បាន​ការ​ ឬ​អត់?

-អាន៖ លេច​ចេញ​ Galaxy S6 Active ថា​នឹង​ដាក់​លក់​ពេល​ឆាប់ៗ​នេះ

ប្រែ​សម្រួល៖ ហៃ​ សុខ​ហេង ប្រភព៖ engadget