ទូរទស្សន៍ស៊េរីថ្មី កំពូលស្ដើង តែជាង១មិល្លីម៉ែត្រ បិតជាប់ជញ្ជាំងប្រើតែដែកឆក់

2015-05-20 18:40:15
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃម្សិលមិញនេះ ក្រុមហ៊ុន LG បានធ្វើសន្និសីទកាសែតមួយ ដើម្បីធ្វើការបង្ហាញពីគំរូនៃបច្ចេកវិទ្យាទូរទស្សន៍ដ៏ទំនើបបំផុត នោះគឺទូរទស្សន៍ដែលអាចបិតជាប់ជញ្ជាំងដោយប្រើតែដែកឆក់ប៉ុណ្ណោះ។

ទូរទស្សន៍ដែលក្រុមហ៊ុន LG Display រំពឹងថានឹងមាននៅថ្ងៃខាងមុខនេះ គឺមានលក្ខណៈសម្បត្តិពិសេសៗ ដោយទូរទស្សន៍នេះមានទំហំអេក្រង់៥៥អ៊ីញ ចំពោះកម្រាស់គឺស្ដើងជាង១មិល្លីម៉ែត្រ ហើយទម្ងន់វិញនោះគឺត្រឹមតែ១,៩គីឡូក្រាមប៉ុណ្ណោះ។ អ្វីដែលមិនគួរឲ្យជឿនោះគឺ អ្នកអាចបិតវាបានគ្រប់ទីកន្លែងនៅលើជញ្ជាំង ព្រោះវាប្រៀបដូចជាផ្ទាំងក្រដាសមួយសន្លឹកអញ្ចឹង ដែលអ្នកអាចបិតវាដោយប្រើប្រាស់នូវដែកឆក់ ហើយអ្នកក៏អាចធ្វើការបកវាចេញពីជញ្ជាំងដោយងាយផងដែរ។

អ្វីដែលគួរឲ្យសោកស្ដាយនោះគឺក្រុមហ៊ុន LG មិនបានបញ្ជាក់ជាផ្លូវការនូវពេលវេលាដែលទូរទស្សន៍ដ៏អស្ចារ្យនេះអាចលេចចេញជារូបរាងនៅឡើយនោះទេ៕

អានបន្ត៖ រថក្រោះបំបាំងកាយប៉ូឡូញប៉ុណ្ណេះ អាចស៊ីដាច់អាមេរិកអត់?

ប្រែសម្រួល៖ ហៃ សុខហេង ប្រភព៖ engadget, cnet