កាល​ពី​ប៉ុន្មាន​ថ្ងៃ​មុន​នេះ ​មាន​ពាក្យ​​ចចាម​​​អារ៉ាម​​​ថា ​ក្រុមហ៊ុន​ Apple នឹង​បង្ហាញ​​​​​កុំព្យូទ័រ​ម៉ូដែល​ថ្មី​​ដែល​ធ្វើ​ការ​ Update ទៅ​លើ​ម៉ូដែល​ MacBook Pro ​ទំហំ​​១៥​អ៊ីញ​ និង ​iMac​​ ទំហំ​២៧​អ៊ីញ។ តែ​កាលពី​ថ្ងៃ​​​អង្គារ​​​​ ​ក្រុមហ៊ុន​មួយ​នេះ​​​ក៏​​បាន​ប្រកាស​ជា​ផ្លូវការ​នូវ​ម៉ូដែល​ទាំង​ពីរ​នេះ​ហើយ។

 

​ចំពោះ​ MacBook Pro ​Retina ទំហំ​​១៥​អ៊ីញ​បាន​កែ​ប្រែ​ថ្មី​ដោយ​បំពាក់​​​ Hardware ថ្មី​ល្បឿន​លឿន​ ឧបករណ៍​ផ្ទុក​ទិន្នន័យ​ ​​Read/Write ទិន្នន័យ​លឿន​ជាង​មុន​ដល់​ទៅ​២,៥​ដង ​ថាមពល​ប្រើ​បាន​យូរ​​ជាង​មុន​១​ម៉ោង​ ជា​ពិសេស​នោះ​បំពាក់​បច្ចេកវិទ្យា Force Touch Trackpad។ ​

 

​ MacBook Pro ​Retina ទំហំ​​១៥​អ៊ីញ​​ត្រូវ​បាន​ Update ឡើង​​មាន​ពីរ​ម៉ូដែល​​។ ​​ទី​មួយ​បំពាក់​ដោយ​ CPU ​ប្រភេទ ​quad-core Intel Core i7 ​ល្បឿនពី​​ 2.2 GHz ទៅ​​​ 3.4 GHz, 16 GB RAM, ​ទំហំ​ផ្ទុក​ទិន្នន័យ​ 256 GB និង​ក្រាហ្វិក​ប្រភេទ​​ Intel Iris Pro​ មាន​តម្លៃ​ចាប់​ពី ១៩៩៩ ដុល្លារ​ឡើង។ ហើយ​ម៉ូដែល​ទី​ពីរ​គឺ​​បំពាក់​ដោយ​ CPU ប្រភេទ quad-core Intel Core i7​ ល្បឿន​ពី​​​ 2.5 GHz ​ដល់​ 3.7 GHz, ​ 16 GB RAM, ​ទំហំ​ផ្ទុក​ទិន្នន័យ​ 512 GB ​ និង​ក្រាហ្វិក​ AMD Radeon R9 M370X ​តម្លៃ​ចាប់​ពី ២៤៩៩ ដុល្លារ​។

 

 

​ចំណែក​ឯ​ម៉ូដែល​ ​iMac ទំហំ២៧​អ៊ីញ​វិញ​​បំពាក់​ដោយ​អេក្រង់​​ប្រភេទ Retina 5K មាន​ពីរ​ម៉ូដែល​ដូច​គ្នា។ ម៉ូដែល​ទី​​​មួយ​គឺ​បំពាក់​ដោយ​ CPU ​ប្រភេទ​ quad-core Intel Core i5 ​ល្បឿន​ 3.3 GHz និង​មាន​ល្បឿន Turbo Boost ដល់ 3.7GHz​ ​, 8 GB RAM, ទំហំផ្ទុក​ទិន្នន័យ​1 TB និង​ក្រាហ្វិក​ប្រភេទ​ AMD Radeon R9 M290 ​តម្លៃ ចាប់​ពី ១៩៩៩ដុល្លារ​។ ហើយ​មួយ​ម៉ូដែល​ទៀត​គឺ​បំពាក់​ដោយ​ CPU​ ប្រភេទ quad-core Intel Core i5 ​ល្បឿន 3.5 GHz និង​មាន​ល្បឿន Turbo Boost ដល់ 3.9GHz, 8 GB RAM, ទំហំ​ផ្ទុក​ទិន្នន័យ ​​1 TB និង​ក្រាហ្វិក​ប្រភេទ AMD Radeon R9 M290X​ មាន​តម្លៃ​ចាប់​ពី ២២៩៩ដុល្លារ​៕

 

អាន​បន្ត៖ Apple ​នឹង​បង្ហាញ MacBook Pro ១៥​អ៊ីញ​ និង iMac ២៧​​អ៊ីញ​សេរី​២០១៥ ស្អែក​​នេះ?

 

 

ប្រែ​សម្រួល៖ សំនៀង ប្រភព៖ apple