លោក​អាជ្ញាកណ្ដាល​កម្រិត​អន្តរជាតិ (FIFA) របស់​កម្ពុជា ថោង ច័ន្ទកិត្យា នឹង​​ត្រូវ​ដឹកនាំ​ការ​ប្រកួត​មិត្តភាព​អន្តរជាតិ​ជាតិ​កម្ដៅ​សាច់ដុំ​​សម្រាប់​ឈុត​ត្រៀម​ស៊ីហ្គេម រវាង​ក្រុម​ម្ចាស់​ផ្ទះ​ឥណ្ឌូណេស៊ី ជួប ម៉ាឡេស៊ី វេលា​ម៉ោង ៥ ល្ងាច​ថ្ងៃ​ទី ២១ ខែ ឧសភា ​នេះ (ម៉ោង​ក្នុង​តំបន់) នៅ​កីឡដ្ឋានSi Jalak Harupat Stadium​ ក្នុង​ទីក្រុង Bandung។

លោក ច័ន្ទកិត្យា (កណ្ដាល) លោក ពិសាល (ស្ដាំ) លោក សុភាព (ឆ្វេង) កាល​នៅ​ខ្មែរ

  ទន្ទឹម​នឹង​លោក ថោង ច័ន្ទកិត្យា កាត់សេចក្ដី​លើ​ទីលាន មាន​មិត្ត​រួម​ជាតិ​​របស់​លោក ២ នាក់​ផ្សេង​ទៀត គឺ លោក គឹម ស៊ីពិសាល និង លោក ឈី សុភាព ជា​ជំនួយការ​អាជ្ញាកណ្ដាល ផង​ដែរ។ មុន​ចេញ​ដំណើរ​អ្នក​ទាំង ៣ បាន​កាត់​សេចក្ដី​ក្នុង​ជំនួប​មិត្តភាព​រវាង​ក្រុម​ជម្រើស​ជាតិ​កម្ពុជា ជួប​ជាមួយ​ក្រុម Japan Selection Team (កីឡាករ​ជប៉ុន​ប្រកប​អាជីព​នៅ​កម្ពុជា)។

  បើ​និយាយ​ពី​ស៊ីហ្គេម ក្រុម ឥណ្ឌូណេស៊ី នៅ​ក្នុង​ពូល A ជាមួយ​កម្ពុជា, មីយ៉ាន់ម៉ា, ហ្វីលីពីន និង សិង្ហបុរី ស្រប​ពេល​ម៉ាឡេស៊ី ស្ថិត​ក្នុង​ពូល B ជាមួយ​ក្រុម​វៀតណាម, ទីម័រខាងកើត, ថៃ, ប្រ៊ុយណេ និង ឡាវ។ ការ​ប្រកួត​ចាប់​ផ្ដើម​ពី​ថ្ងៃ​ទី ២៩ ខែ ឧសភា ដល់ ១៥ មិថុនា ឆ្នាំ ២០១៥ នៅ​ប្រទេស​សិង្ហបរី៕

អត្ថបទ៖ ម៉ឺន រស្មី