យុវជនខ្មែរ ៨ ក្រុមវ័យក្មេង ត្រៀមខ្លួនប្រកួតប្រជែងផែនការអាជីវកម្មថ្នាក់ជាតិ

2015-05-25 21:18:06
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីកម្មវិធី "ការប្រកួតប្រជែងផែនការអាជីវកម្មថ្នាក់ជាតិប្រចាំឆ្នាំ ២០១៥ (NBPC 2015) សម្រេចចាប់ផ្ដើម ដោយមានបេក្ខជន ២០ ក្រុម ចូលរួមក្រោយទទួលការបណ្ដុះបណ្ដាលភាពជាសហគ្រិនរយៈពេល ៦ សប្ដាហ៍ ពីអ្នកជំនាញ និង គ្រូបង្គោលដែលមានបទពិសោធន៍ និង មកពីក្រៅប្រទេស ពេលនេះរកឃើញក្រុមពូកែទាំង ៨ ដែលត្រូវទៅប្រកួតវគ្គផ្ដាច់ព្រ័ត្រនៅថ្ងៃទី ៣០ ឧសភា ២០១៥ ខាងមុខនេះហើយ។

អ្នកឈ្នះទាំង៨ក្រុមដែលត្រូវត្រៀមប្រកួតវគ្គផ្ដាច់ព្រ័តនោះរួមមាន ៖ 1 Derleng Tour 2 Employmnet Service 3 Green Tour Agent 4 Khmer Social Tour ( KST) 5 Mortuary Service 6 Sport Pill 7 Rice Version 8 School Bus

បេក្ខជនទាំងនោះបានធ្វើបទបង្ហាញពីគំនិតផែនការអាជីវកម្មរបស់ខ្លួនជាភាសាអង់គ្លេសនៅចំពោះមុខគណៈកម្មាធិការក៏ដូចជាអ្នកបណ្ដាក់ទុន ដែលចូលរួមនៅអគារ Oxley Worldbridge ហើយពួកគេក៏នឹងត្រូវត្រៀមលក្ខណៈបន្ទាប់សម្រាប់ប្រកួតយកជ័យលាភីលេខ១ ដល់៣ ដែលប្រព្រឹត្តឡើងនៅសណ្ឋាគារកាំបូឌីយ៉ាណា ថ្ងៃ៣០ ឧសភា ២០១៥ ខាងមុខ។ ដូច្នេះរង់ចាំទាំងអស់គ្នាមើលថា តើក្រុមណាជាម្ចាស់ជ័យលាភីសម្រាប់ការប្រកួតប្រជែងផែនការអាជីវកម្មថ្នាក់ជាតិប្រចាំឆ្នាំ២០១៥។

គួរបញ្ជាក់ថា ការប្រកួតប្រជែងនេះត្រូវបានរៀបចំដោយសាកលវិទ្យាល័យពុទ្ធិសាស្រ្ត ព្រមទាំងទទួលបានការអនុញ្ញាតនិងគាំទ្រយ៉ាងមុតមាំពីក្រសួងអប់រំយុវជន និង កីឡា ដើម្បីជំរុញគាំទ្រដល់យុវជនកម្ពុជាទូទាំងប្រទេស ដែលមានទឹកចិត្តស្រលាញ់ និង មានក្ដីស្រមៃចង់ក្លាយជាសហគ្រិនឲ្យមានឱកាសអាចធ្វើការអភិវឌ្ឍន៍ផែនការអាជីវកម្មរបស់ខ្លួន ព្រមទាំងទទួលបានការបណ្ដុះបណ្ដាលនូវភាពជាសហគ្រិន ដែលឈានមុខគេក្នុងប្រទេស ស្របពេលដែលវិនិយោគគិនជាច្រើនបាននឹងកំពុងធ្វើដំណើរមកបណ្ដាក់ទុននៅកម្ពុជា៕