បេនីយុំាង បញ្ចេញវីដេអូឱបឆ្កែ មើលហើយតិចច្រណែនសត្វទៅ!

2015-05-26 17:20:03
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង បេនីយុំាង បានបញ្ចេញវីដេអូខ្លីមួយថ្មីៗនេះ ដោយឱបប្រលែងជាមួយកូនសុនខតូចមួយ ធ្វើឲ្យប្រិយមិត្តជាច្រើនពោលសរសើរថា ទាំងម្ចាស់ទាំងសត្វស្អាត និងគួរឲ្យស្រឡាញ់ដូចគ្នា។

សាមីខ្លួន អះអាងថា សុនខ គឺជាសត្វចិញ្ចឹមដែលនាងស្រឡាញ់បំផុត ដោយបច្ចុប្បន្ននាងមានចិញ្ចឹមដល់ទៅ២ក្បាលឯណោះ។ "អាមួយធំជាងគេឈ្មោះ អាពី ឯអាមួយតូចឈ្មោះ អាប៊ូលូ ហើយទៅណាមកណា ខ្ញុំតែងយកពួកវាតាមស្ទើរគ្រប់ពេល សូម្បីតែពេលគេង ក៏ខ្ញុំយកមកគេងជាមួយដែរ"។ បេនីយុំាង បញ្ជាក់ប្រាប់។

តួស្រីក្នុងបទចម្រៀង "” រូបនេះ បានពន្យល់ថា តាមនាងធ្លាប់អានព័ត៌មាន "ឆ្កែ" គឺជាប្រភេទសត្វចិញ្ចឹមមួយប្រភេទដែលចេះស្រឡាញ់ម្ចាស់បំផុត បើធៀបនឹងសត្វចិញ្ចឹមផ្សេងទៀត។ ដូច្នេះហើយ គួបផ្សំនឹងចំណុចនេះផង ផ្សំនឹងនិស្ស័យតាំងពីកំណើតរបស់នាងដែលស្រឡាញ់ចូលចិត្តសត្វនេះផង ទើបធ្វើឲ្យនាងស្រឡាញ់ពួកវាកាន់តែខ្លាំង។

"មុខពួកវាមើលទៅស្លូត ហើយចេះទៀត ពេលអផ្សុក ពេលពិបាកចិត្ត លេងជាមួយពួកវា វាចេះធ្វើឲ្យយើងបាត់អផ្សុក ហើយសប្បាយចិត្ត អីចឹងហើយ ខ្ញុំតែងតែយកវាទៅតាមគ្រប់តែពេល"។ បេនីយុំាង បន្ថែម។

បេនីយុំាង ស្រឡាញ់ឆ្កែប៉ុណ្ណា មើលវីដេអូនេះដឹងហើយ តែហាមច្រណែន...!!!