Mancini ថា Balotelli លេងនៅ Liverpool ជាឱកាសចុងក្រោយហើយ

2014-10-10 21:50:59
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអ្នកចាត់ការក្រុម Man City លោក Roberto Mancini បាននិយាយថាការបានលេងនៅ Liverpool របស់ Mario Balotelli ជាឱកាសចុងក្រោយហើយសម្រាប់ខ្សែប្រយុទ្ធម្នាក់នេះ ក្នុងការបញ្ចេញសមត្ថភាពលេងនៅក្លិបធំៗ ហើយរូបគេក៏បានដឹងពីរឿងនេះដែរ។

Mancini ដែលសព្វថ្ងៃជាអ្នកចាត់ការក្លិបទួរគី Galatasaray បាននិយាយរឿងលោក និង Balotelli ថា៖ “Mario ជាមនុស្សល្អណាស់ ប៉ុន្តែគាត់បានដឹងច្បាស់ហើយថា Liverpool ប្រហែលជាក្លិបចុងក្រោយហើយដែលគាត់អាចបញ្ចេញសមត្ថភាពនៅលើទីលានបាន។ នេះជាឱកាសចុងក្រោយរបស់គាត់។ ខ្ញុំជារើយៗតែងតែណែនាំគាត់តាមការផ្ញើសារ ប៉ុន្តែមានតែខ្លួនគាត់ទេដែលអាចជួយខ្លួនឯងបាន។ គាត់ប្រាប់ខ្ញុំដែរថាគាត់ចង់ធ្វើឱ្យបានល្អ និងរកគ្រាប់បាល់ខ្លាំងណាស់នៅ Liverpool តែអត់ទាន់បាន”។

អ្នកចាត់ការវ័យ៤៩ឆ្នាំរូបនេះធ្លាប់ជាគ្រូបង្វឹករបស់ Mario Ballotelli កាលនៅ AC Milan និង Manchester City។ Balotelli ទើបតែរកបាន១គ្រាប់ប៉ុណ្ណោះ ចាប់តាំងពីផ្លាស់ចេញពី AC Milan ទៅ Liverpool ខណៈជម្រើសជាតិអ៊ីតាលីក៏ខ្សែប្រយុទ្ធវ័យ២៤ឆ្នាំរូបនេះមិនជាប់ដែរ៕