នី មុនីនាថ មិនច្បាស់រឿងស្នេហ៍ជាមួយអាណិកជន

2015-06-06 20:57:43
ចំនួនមតិ 0 | ចំនួនចែករំលែក 0

ចន្លោះមិនឃើញ

នី មុនីនាថ នៅមិនទាន់បញ្ជាក់ច្បាស់ ពីទំនាក់ទំនងស្នេហា ជាមួយអាណិកជនអាមេរិកនៅឡើយទេ ខណៈតារាស្រីរូបនេះបញ្ជាក់ថា ធម្មតាអ្នកសិល្បៈតែងតែស្និទ្ធស្នាលនឹងគ្នា។

“ប្រកាសប្រាប់អ្នកសារព័ត៌មាន ដើម្បីកុំឱ្យថា អឺ!នាងខ្ញុំទៅចុងឆ្នាំទៅអីទៅ នាំមានពាក្យចចាមអារ៉ាមអីផ្សេងទៀតអញ្ចឹង"។ មុន្នីនាថ បញ្ជាក់មកកាន់ Sabay ក្នុងឱកាសក្រុងពាលីរឿង"ដៃគូកំចាត់ខ្មោច" របស់ផលិតកម្ម Rich Kids Meadia កន្លងទៅ។ តារារូបនេះបន្តថា បុរសឈ្មោះ អ៊ុង សូឡា បានស្គាល់ និងរាប់អានគ្នាកាលនៅសហរដ្ឋអាមេរិក។

ជាមួយគ្នានោះ គេនៅចាំបានថា អាណិកជនខាងលើ ទើបបានមកលេងប្រទេសកម្ពុជា កាលពីពេលថ្មីៗនេះ ហើយថែមទាំងបានធ្វើដំណើរជាមួយ មុនីនាថ ទៅចូលរួមពិធីក្រុងពាលីរឿងមួយ នៅខេត្តកំពង់ស្ពឺទៀតផង។ ទោះបីជាយ៉ាងណា តារាស្រីតូចច្រឡឹងដដែលបន្ថែមថា ទិដ្ឋភាពដែលមើលទៅដូចជាស្និទ្ធស្នាល ទៅណាមកណាជាមួយគ្នា ក៏ដោយសារតែបុរសនោះ មិនស្គាល់ពីប្រទេសកម្ពុជានោះទេ។

នាងបញ្ជាក់ថា៖" ប្រសិនបើគាត់ចង់ប្លែក គាត់ទៅនេះទៅនោះ គាត់សប្បាយ ក៏គាត់ទៅៗ ខ្ញុំនាំគាត់អញ្ចឹងទៅ"។ ទោះបីជាយ៉ាងណា តារាទឹកភ្នែកខាងលើនៅអះអាងថា ប្រសិនបើបុរសជាអាណិកជនរូបនោះ ក្លាយជាគូដណ្ដឹង ឬបានភ្ជាប់ពាក្យនឹងគ្នា នាងប្រាកដជាបង្ហាញដល់អ្នកសារព័ត៌មានមិនខាន។ ប៉ុន្តែប្រសិនបើមិនបានភ្ជាប់ពាក្យទេនោះ នាងនឹងប្រកែក៕

អានអត្ថបទ៖ សម្រស់តួស្រី ៨ រូប ក្នុងរឿង “ផ្កា៤ទង” យ៉ាងម៉េចដែរ?

អានអត្ថបទ៖ មូន ម៉ារ៉ា បញ្ជាក់ជំហរថាអាចវិលមកច្រៀងវិញ