Fellaini, Hazard ជួយបែលហ្សិក ឈ្នះបារាំង ដល់ដី ៤-៣
- 2015-06-08 15:54:43
- ចំនួនមតិ 0 | ចំនួនចែករំលែក 0
Fellaini, Hazard ជួយបែលហ្សិក ឈ្នះបារាំង ដល់ដី ៤-៣
ចន្លោះមិនឃើញ
ខ្សែបម្រើ Marouane Fellaini ក្រុម Manchester United និង Eden Hazard របស់ Chelsea បានស៊ុតបញ្ចូលទី និងជាតួអង្គដ៏សំខាន់ជួយឲ្យ ក្រុមជម្រើសជាតិបែលហ្សិក យកឈ្នះលើក្រុមជម្រើសជាតិបារាំង ដែលជាក្រុមម្ចាស់ផ្ទះ Euro 2016 ដោយលទ្ធផល ៤-៣ ដល់ក្នុងទឹកដីនាកីឡដ្ឋាន Stade de France កាលពីយប់មិញ។
Fellaini ជាអ្នករកគ្រាប់បាល់២គ្រាប់ ឲ្យបែលហ្សិក នាំមុខមុននៅតង់ទី១ នាទី១៧ និងនាទី៤២ មុនពេល assist ឲ្យ Radja Nainggolan ស៊ុត១គ្រាប់ទៀតនៅដើមតង់ទី២។ Mathieu Valbuena បានទាត់បាល់ពិន័យ១១ម៉ែត្រ ជួយបារាំងតាម១គ្រាប់វិញ នៅនាទី៥៣ ប៉ុន្តែចន្លោះពេលតែ១នាទី Hazard ក៏មានឱកាសទាត់បាល់ពិន័យ១១ម៉ែត្រ បានសម្រេច។ យ៉ាងណាក្ដី បារាំងតាម២គ្រាប់វិញទៀត នៅចុងម៉ោងដោយ Nabil Fekir នាទី៨៩ និង Dimitri Payet នាទី៩០+។
ចំណែកឯការប្រកួតដ៏ធំមួយទៀត ក្រុមជម្រើសជាតិប្រេស៊ីល បានយកឈ្នះលើម៉ិកស៊ីកូ ២-០ ដែលរកបានដោយកីឡាករ Philippe Coutinho របស់ក្រុម Liverpool នាទី២៨ និង Diego Tardelli នៅនាទី៣៧។
ដោយឡែកក្រុមជម្រើសជាតិអង់គ្លេសឯណោះវិញ បញ្ចប់លទ្ធផល ត្រឹមស្មើ ០-០ ទល់នឹងអៀរឡង់ប៉ុណ្ណោះ៕
ប្រែសម្រួល៖ វិន ជីវ័ន្ត ប្រភព៖ bbc