លី ច័ន្ទសីហា ពន្យារពេលរៀបការ ព្រោះមិនទាន់ដាច់ស្រេច

2015-06-08 17:08:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ឈរលើហេតុផលមមាញឹករៀងខ្លួន ធ្វើឱ្យ លី ច័ន្ទសីហា សម្រេចចិត្តពន្យារពេលរៀបការរហូតដល់២ឆ្នាំក្រោយ ស្របពេលកំពុងស្វែងយល់ចិត្តគ្នាផងដែរ។

“ចំពោះរឿងរៀបការមិនទាន់ច្បាស់ទេ ចង់និយាយថា មិនទាន់ដាច់ស្រេចសងខាង ហើយគាត់ក៏កំពុងរវល់នៅក្នុងការសិក្សានៅឡើយ"។ នាងបញ្ជាក់មកកាន់ Sabay ក្នុងពិធីខួបកំណើត ម៉ាដូណា កន្លងទៅ។

អតីតតារាទឹកភ្នែកខាងលើបន្តថា នាងកំពុងមមាញឹកក្នុងការងារសិល្បៈ និងសម្អាងការនៅឡើយ ខណៈបុរសជាម្ចាស់ស្នេហ៍ក៏កំពុងសិក្សានៅក្រៅប្រទេស ដែលនៅសល់រយៈពេលយូរទៀតទើបចប់។ តារារូបនេះបានអះអាងម្យ៉ាងទៀតថា អ្នកទាំងពីរនៅមិនទាន់រៀបចំគោលដៅជីវិតច្បាស់លាស់នៅឡើយទេ។ នៅពេលពួកគេរៀបចំជីវិតបានច្បាស់លាស់ ទើបគិតគូររឿងរៀបអាពាហ៍ពិពាហ៍ និងសាងសង្គមគ្រួសារមួយ។

តារារូបនេះបន្តថា នៅមិនទាន់មើលចិត្តគ្នាច្បាស់នៅឡើយទេ ដោយលើហេតុផលថា សូម្បីប្ដីប្រពន្ធរៀបការរស់នៅជាមួយគ្នាយូរឆ្នាំ ក៏នៅតែមានបញ្ហាមើលចិត្តគ្នាមិនទាន់ច្បាស់ដែរ។ ម្ចាស់សម្អាងការ លី ច័ន្ទសីហា រូបនេះបានបញ្ជាក់ថា៖"អឺ! ស្រលាញ់គ្នាបាននិយាយគ្នាហើយ យើងនឹងថយម្នាក់មួយជំហាន ត្រូវចេះអត់ឱនគ្នា កុំឱ្យមានបញ្ហាបែកបាក់"។

អតីតតារាទឹកភ្នែករូបនេះបង្ហើបថា បុរសគូស្នេហ៍ជាមន្ត្រីយោធា តែងយកចិត្តទុកដាក់ព្រួយបារម្ភចំពោះនាង ទោះបីជាពួកគេរស់នៅឆ្ងាយគ្នាយ៉ាងណាក៏ដោយ។ ជារឿយៗមន្ត្រីយោធារូបនោះ តែងស្នើឱ្យនាងឈប់ពីសិល្បៈ ដោយខ្លាចមានការនឿយហត់ ខណៈការងារសម្អាងការក៏មមាញឹកដូចគ្នាដែរ។ ជាមួយគ្នានោះសាមីខ្លួនខាងស្រីបញ្ជាក់ថា ក៏ចង់សម្រាកពីសិល្បៈដែរ ដើម្បីមានពេលវេលាផ្ទាល់ខ្លួនសម្រាប់ក្រុមគ្រួសារ៕

អានអត្ថបទ៖ នី មុនីនាថ មិនច្បាស់រឿងស្នេហ៍ជាមួយអាណិកជន

អានអត្ថបទ៖ តារាថៃ៧រូបមានរាងទាក់ទាញចិត្តនារីខ្លាំងជាងគេ