អ្នកឈ្នះពានវោហារសព្ទ និងមតិឆ្នើមរបស់ JCI ត្រៀមប្រកួតវគ្គបន្តនៅម៉ាឡេស៊ី

2015-06-09 19:10:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីការប្រជែងពានរង្វាន់វោហារសព្ទជាសាធារណៈ និង អ្នកតស៊ូមតិដ៏ឆ្នើម កាលពីថ្ងៃ២៦ មេសា២០១៥ នៅវិទ្យាស្ថានបច្ចេកវិទ្យាកម្ពុជារួចមក ម្ចាស់ជយលាភីពីកម្មវិធីនេះនឹងត្រូវទៅប្រកួតបន្តថ្នាក់តំបន់នៅកូតាគីណាបាលូ ប្រទេសម៉ាឡេស៊ី ថ្ងៃ ១១-១៤ មិថុនា ២០១៥ ។

អ្នកឈ្នះជយលាភីវោហារសព្ទជាសាធារណៈ កញ្ញា តារា រត្ន អាយុ២២ ឆ្នាំ និស្សិតមកពីសាកលវិទ្យាល័យភ្នំពេញអន្តរជាតិ នឹងប្រកួតនៅថ្ងៃ១២ មិថុនាដែលមាន១១ប្រទេសចូលរួម រីឯក្រុមអ្នកតស៊ូមតិដ៏ឆ្នើម ក្រុមនិស្សិតមកពីវិទ្យាស្ថានអន្តរទ្វីបអាមេរិកកាំងនឹងប្រកួតនៅថ្ងៃ១៣ មិថុនា មាន៦ប្រទេសចូលរួម។

ម្ចាស់ជយលាភីវោហារសព្ទជាសាធារណៈ កញ្ញា តារា រត្ន

ក្រុមអ្នកតស៊ូមតិដ៏ឆ្នើម មកពីវិទ្យាស្ថានអន្តរទ្វីបអាមេរិកកាំង

លោក គួច ផេង ប្រធានថ្នាក់ជាតិ JCI កម្ពុជា ដែលរៀបចំកម្មវិធីនេះ ប្រាប់ថា៖ "កាលពីឆ្នាំមុន បេក្ខជនផ្នែកវោហារសព្ទ បានឈ្នះការប្រកួតថ្នាក់តំបន់។ សម្រាប់ឆ្នាំ២០១៥ នេះ ខ្ញុំជឿជាក់ថាបេក្ខជនទាំង២ជយលាភីនឹងយកជ័យជំនះប្រចាំតំបន់អាស៊ីប៉ាស៊ីហ្វិកបាន"។

ចំពោះប្រធានបទសម្រាប់ការប្រកួតនៅម៉ាឡេស៊ីនេះ ផ្ដោតសំខាន់លើគោលដៅអភិវឌ្ឍសហវត្សរបស់អង្គការសហប្រជាជាតិ ( UN-MDGS) ដែលរាប់ចាប់ពីមូលបទកាត់បន្ថយភាពក្រីក្រធ្ងន់ធ្ងរ និង បញ្ឈប់ការរីកសាយនៃមេរោគអេដស៍ ព្រមទាំងការផ្ដល់នូវការអប់រំបឋមសិក្សាជាសាកល ដោយប្រធានបទ សម្រាំងសម្រាប់ការប្រកួតផ្នែកវោហារសព្ទជាសាធារណៈវគ្គដំបូងគឺ "ការអប់រំគឺជាគន្លឹះក្នុងការពង្រឹងអំណាចដល់អ្នកជំនាន់ក្រោយឲ្យចាកផុតពីភាពក្រីក្រ"៕

សូមអាន រកឃើញអ្នកលើកពានផ្នែកវោហារសព្ទ និងអ្នកតស៊ូមតិឆ្នាំនេះហើយ! អត្ថបទ៖ លឹម សុនា