ភាពយន្តពិភពដាយណូស័រ “Jurassic World” សាហាវញាក់សាច់ មកដល់កម្ពុជាហើយ

2015-06-10 22:42:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តថ្មីរបស់អាមេរិករឿង “Jurassic World” ដែលជាប្រភេទរឿងប្រឌិតបែបវិទ្យាសាស្ត្រនិយាយពីពូជសត្វដាយណូស័រសាហាវៗនោះ ពេលនេះបានមកដល់ប្រទេសកម្ពុជាហើយ។

“Jurassic World” គឺជាភាពយន្តដំណើរផ្សងព្រេងបែបវិទ្យាសាស្ត្រ និងជាវគ្គ ៤នៃភាពយន្តជាស៊េរី “Jurassic Park” ដែលបានចេញ៣វគ្គរួចមកហើយចាប់តាំងពីឆ្នាំ១៩៩៣មក។ វគ្គថ្មីនេះរៀបរាប់ពីគ្រាមួយនៅពេលដែលសួនកម្សាន្តដាយណូស័រ “Jurassic World” ត្រូវបានបង្កើតឡើង។ តួឯកប្រុស ឈ្មោះ Owen (សម្ដែងដោយ Chris Pratt តួរឿង “Guardian of the Galaxy”) ជាបុគ្គលិកម្នាក់ក្នុងសួនកម្សាន្តនេះនិងជាម្ចាស់របស់ពួកសត្វដាយណូស័រ Velociraptor ៤ក្បាលគឺ Blue, Charlie, Delta និង Echo ។

ដោយសារតែការបង្កាត់ពូជរបស់អ្នកវិទ្យាសាស្ត្រផ្សេងទៀតនៅក្នុងសួនសត្វខាងលើនេះខុសបច្ចេកទេសបន្តិចបន្តួចបានបង្កើតចេញជាដាយណូស័រប្រភេទថ្មីមួយដែលសាហាវជាទីបំផុតឈ្មោះ Indominus rex ។ សត្វមួយក្បាលនេះបានដើរសម្លាប់គេសម្លាប់ឯង រួមទាំងមនុស្សក្នុងសួនសត្វនោះផងដែរ។ ដោយពិបាកចាត់ការវាពេក តួប្រុស Owen មានតែប្រើកូនសត្វ ដាយណូស័រ៤ក្បាលរបស់គេហើយ ទើបអាចទប់ទល់និងស្ថានការណ៍នោះបាន។

ចង់ដឹងថាចុងបញ្ចប់នៃសាច់រឿងដែលចំណាយដើមទុនផលិតអស់ ១៥០លានដុល្លារនោះនឹងទៅជាយ៉ាងណា មានតែទៅទស្សនានៅ Platinum Cineplex សូរិយាទាំងអស់គ្នានៅចាប់ពីថ្ងៃទី១០ ខែមិថុនានេះតទៅ។

ក្នុងកម្មវិធីសម្ពោធកាលពីល្ងាចម្សិលមិញនេះដែរ ក៏មានអ្នកចូលរួមទស្សនាយ៉ាងច្រើនកុះករពីសំណាក់អ្នកគាំទ្ររោងភាពយន្ត Platinum Cineplex និង Smart ផងដែរ៕