ឮថា Casillas ជិតចេញពី Real Madrid ហើយ
- 2015-06-11 20:36:07
- ចំនួនមតិ 0 | ចំនួនចែករំលែក 0
ឮថា Casillas ជិតចេញពី Real Madrid ហើយ
ចន្លោះមិនឃើញ
អ្នកចាំទី Iker Casillas អាចនឹងចាកចេញពីក្រុម Real Madrid ក្នុងរដូវដោះដូរកីឡាករនេះ ដើម្បីទុកកន្លែងឱ្យ David de Gea ចូលមកលេងនៅរដូវកាលក្រោយ។ នេះបើតាមកាសែតអេស្ប៉ាញ TVE បានចុះផ្សាយ។
TVE បានសរសេរថាកីឡាករ Casillas នឹងសម្រេចចិត្តចាកចេញពី Santiago Bernabeu នៅរដូវក្ដៅនេះបន្ទាប់ពីបាននិយាយគ្នាជាមួយអ្នកចាត់ការថ្មី Rafa Benitez ដើម្បីជាឱកាសមួយសម្រាប់ឱ្យ De Gea ចូលមកលេងដៃទីមួយនៅ Real Madrid។ ប្រភពមួយនេះក៏បញ្ជាក់ទៀតថា ក្រុមអធិរាជសនឹងចុះកុងត្រាជាមួយអ្នកចាំទីក្រុម Manchester United រូបនេះហើយនៅប៉ុន្មានថ្ងៃខាងមុខនេះ។
ទាក់ទិននិងរឿងខាងលើនេះ អតីតអ្នកចាំទីក្រុម Atletico Madrid ខាងលើក៏ធ្លាប់បាននិយាយថារូបគេពិតជាចង់ផ្លាស់ទៅអេស្ប៉ាញមែន ប្រសិនបើពិតជាមានឱកាសទៅលេងនៅស្រុកកំណើតវិញមែននោះ។ ចំណែកឯអ្នកចាំទីចាស់វស្សារបស់ក្រុមម្ចាស់ជើងឯក La Liga ៣២សម័យវិញក៏ធ្លាប់បញ្ចេញអារម្មណ៍ដែរថារូបគេចង់ឱ្យ De Gea មកលេងនៅ Real មែន ព្រោះកីឡាករវ័យ២៤ឆ្នាំរូបនេះពិតជាមានសមត្ថភាពណាស់។
De Gea បានផ្លាស់ពីក្រុម Atletico Madrid ទៅ Manchester United កាលពីឆ្នាំ២០១១ ក្នុងតម្លៃខ្លួន១៧,៨លានផោន។ ក្នុងរដូវកាលទើបតែបញ្ចប់ទៅនេះ អ្នកចាំទីកម្ពស់ ១,៩១ម៉ែត្រ បានជួយក្រុមបិសាចក្រហមច្រើនមែនទែន ពោលគឺអាចជួយក្រុមខ្លាំងនៅអង់គ្លេសមួយនេះបានទៅលេងពានរង្វាន់ UEFA Champions League វិញទៀតផងនៅរដូវកាលក្រោយនេះ៕
ចុចអានDudek៖ “Casillas ធ្លាក់ទម្រង់លេង តាំងពីក្លាយជាឪពុកគេ”
ប្រែសម្រួល៖ មុន្នី រម្យ ប្រភព៖101greatgoals