បច្ចុប្បន្ន​នេះ​មាន​​ការ​ពេញ​និយម​ Smart Watch បន្ទាប់​ក្រុម​ហ៊ុន​ទូរសព្ទ​ធំ​ៗ​មួយ​ចំនួន​ចាប់​អារម្មណ៍​បង្កើត​ឡើង​​ដូចជា Sony , Samsung , Motorola និង Apple ជា​ដើម។ តែ​ថ្មីៗ​នេះ​លេច​មុខ​ Smart Watch មួយ​​ដែល​មាន​សមត្ថភាព​ជា​ច្រើន និង​ដាក់​លក់​​ត្រឹម​តែ​ ២៨ ដុល្លារ​លក់​លើ​ទីផ្សារ​កម្ពុជា។

លោក​ ប៊ុន ហ៊រ​ ម្ចាស់​ហាង​ T-Shop បាន​ឲ្យ​ដឹង​ថា Smart Watch នេះ​ ហាង​លោក​ទើប​​នាំ​ចូល​មក​លក់​លើ​ទីផ្សារ​កម្ពុជា។ វា​មាន​សមត្ថភាព​​អាច​ភ្ជាប់​ Bluetooth ទៅ​នឹង​ទូរសព្ទ​​ ពេល​ហៅ​ចេញ​ចូល​អាច​និយាយ​លើ​ Smart Watch ជំនួស​ទូរសព្ទ​បាន។ ម្យ៉ាង​ទៀត​វា​អាច​ Remote កាមេរ៉ា , ចាក់​ចម្រៀង​ពី​ទូរសព្ទ​បាន​ផង​ដែរ។ វា​អាច​ភ្ជាប់​នឹង​ទូរសព្ទ​ដើរ​ដោយ​ប្រព័ន្ធ​ប្រតិបត្តិការ​ Android និង iOS ចំណែក​ការ​ប្រើ​ប្រាស់​អស់​ថ្ម​សាក​ដូច​ទូរសព្ទ​ដែរ។

ចុច​អាន៖ សិស្ស​ AIS និង Limkokwing ឈ្នះ​ការ​ប្រកួត​​រចនា​រូបភាព​លើ​ទូរសព្ទ​

ចុចអាន៖ មើល​មួយ​ភ្លែត​ស្មាន​តែ​ iPhone 6 ការ​ពិត​ដូរ​សំបក​សោះ

អត្ថបទ៖ ដារ៉ាឆានី

​​