Selena Gomez បញ្ចេញស្ទីលអាវវាលក្លៀកអត់ពាក់អាវទ្រនាប់តបការរិះគន់

2015-06-23 14:56:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយស្ងប់ស្ងាត់ពីតន្ត្រីរយៈពេលមួយឆ្នាំកន្លះដើម្បីយកពេលព្យាបាលរបួសបេះដូងក៏ដូចជាផ្ដោតលើអាជីពសម្ដែង ពេលនេះSelena Gomez ត្រឡប់មកជាថ្មីដោយទំនុកចិត្តខ្ពស់តាមរយៈការបង្អួតរាងក្នុងឈុតសិចស៊ី។

តារាស្រីវ័យ ២២ ឆ្នាំ បានបង្ហាញខ្លួននៅមុខ Fan រាប់សិបនាក់ក្នុងទីក្រុងញីវយ៉ក ក្នុងឈុតអាវក្រហមវាលក្លៀក និងវាលខ្នងអត់អាវទ្រនាប់បង្ហាញសម្រស់ដើមទ្រូង។ ចំណែកខោវិញ នាងលេងស្ទីលខូវប៊យគូទវែងរហែកភ្លៅសងខាងតឺនុយពីលើអាវយឺតក្រហម អមដោយស្បែកជើងកែងចោត។

ការបង្ហាញខ្លួនក្នុងឈុតសំលៀកបំពាក់នេះហាក់ដូចជាការឆ្លើយតបនឹងការវាយប្រហារមកលើនាងលើអនឡាញកន្លងមក ពេលនាងទៅវិស្សមកាលនៅមិកស៊ីកូថា មិនបានរក្សារាងធ្វើឲ្យឡើងគីឡូធាត់មិនស្អាត។ មួយឈុតបង្ហាញរាងគ្រប់កន្លែងនេះ សមល្មមឲ្យការវាយប្រហារទាំងនោះសាបរលាបទៅវិញ បើទោះជាសាមីខ្លួនមិនដែលចេញមកបកស្រាយក្ដី។

ថ្មីៗនេះ អតីតមិត្តស្រី Justin Bieber ក៏បានត្រឡប់ចូលក្នុងវិស័យតន្ត្រីវិញដែរដោយបានចេញបទចម្រៀងទោលថ្មីមានចំណងជើងថា "Good For You”៕