កំពូលអ្នកមានដាច់គេបីរូបរបស់ចិនសុទ្ធតែកើតឆ្នាំរោង
- 2015-06-23 16:12:44
- ចំនួនមតិ 0 | ចំនួនចែករំលែក 0
កំពូលអ្នកមានដាច់គេបីរូបរបស់ចិនសុទ្ធតែកើតឆ្នាំរោង
ចន្លោះមិនឃើញ
ក្រុមហ៊ុនប្រឹក្សា Wealth-X បានបង្ហាញរបាយការណ៍ថា មហាសេដ្ឋីកំពូលបីរូបរបស់ប្រទេសចិន សុទ្ធតែចាប់កំណើតក្នុងឆ្នាំរោង (នាគរាជ)។
១. លោក Li Ka-shing
លោក Li Ka-shing ជាមហាសេដ្ឋីធ្វើជំនួញចម្រុះច្រើនប្រភេទ ដែលកំពុងឈរកំពូលគេក្នុងបញ្ជីអ្នកមាននៅចិន និងកំពុងប្រកបអាជីវកម្មនៅហុងកុង។ មហាសេដ្ឋីវ័យ ៨៦ឆ្នាំរូបនេះ មានទ្រព្យសម្បត្តិសរុប ៣០,៦ពាន់លានដុល្លារ។ លោក Li កើតនៅឆ្នាំ១៩២៨ ដែលត្រូវនឹងឆ្នាំរោង ក្នុងប្រតិទិនចិន។
២. លោក Lee Shau-kee
លោក Lee Shau-kee ជាមហាសេដ្ឋីអចលនទ្រព្យ ដែលកំពុងឈរលេខរៀងទីពីរក្នុងបញ្ជីអ្នកមាននៅចិន និងកំពុងប្រកបអាជីវកម្មនៅហុងកុង។ ប្រធានក្រុមហ៊ុន Henderson Land Development រូបនេះ មានទ្រព្យសម្បត្តិសរុប ២៦,៦ពាន់លានដុល្លារ។ លោក Lee កើតនៅឆ្នាំ១៩២៨ ដែលត្រូវនឹងឆ្នាំរោង ក្នុងប្រតិទិនចិន ដូចមហាសេដ្ឋីលំដាប់ទីមួយដែរ។
៣. លោក Jack Ma
លោក Jack Ma ជាមហាសេដ្ឋីលក់ទំនិញអនឡាញ ដែលកំពុងឈរលេខរៀងទីបីក្នុងបញ្ជីអ្នកមាននៅចិន និងកំពុងប្រកបអាជីវកម្មនៅប្រទេសនេះផ្ទាល់តែម្ដង។ ស្ថាបនិកក្រុមហ៊ុន Alibaba រូបនេះ មានទ្រព្យសម្បត្តិសរុប ២៦,៥ពាន់លានដុល្លារ។ លោក Jack Ma កើតក្នុងឆ្នាំ១៩៦៤ ដែលត្រូវនឹងឆ្នាំរោង ក្នុងប្រតិទិនចិន។
ក្នុងរបាយការណ៍ក៏បានបញ្ជាក់ផងដែរថា កំពូលអ្នកមានដាច់គេទាំង ១០រូបរបស់ប្រទេសចិន ពុំមាននរណាកើតក្នុងឆ្នាំមមែឡើយ។ ជនជាតិចិនចាត់ទុកឆ្នាំមមែជាឆ្នាំមិនល្អ ព្រោះជឿជាក់ថា កូនដែលកើតក្នុងឆ្នាំនេះ ច្រើនក្លាយជាអ្នកធ្វើតាមគេជាជាងអ្នកដឹកនាំ និងអាចធ្វើជំនួញបរាជ័យ។ យ៉ាងណាក្ដី លោក Bill Gate ប្រធានក្រុមហ៊ុន Microsoft ដែលជាអ្នកមានដាច់គេលើលោក បានកើតក្នុងឆ្នាំ១៩៥៥ ត្រូវនឹងឆ្នាំមមែ ក្នុងប្រតិទិនចិន៕
ចុចអាន៖ មហាសេដ្ឋីចិន ១ម៉ោងខាត១៥ពាន់លានដុល្លារ
ប្រែសម្រួល៖ គង់ វិសាល ប្រភព៖ shanghaiist