ដីទំហំជាងពាក់កណ្ដាលប្រទេសកម្ពុជា ដាក់លក់នៅអូស្ត្រាលីក្នុងតម្លៃ...

2015-06-24 18:12:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ដីទំហំជាង ១០លានហិចតារ ឬប្រមាណ ១០១៤១១គីឡូម៉ែត្រក្រឡា ដែលស្មើនឹងជាងពាក់កណ្ដាលផ្ទៃដីប្រទេសកម្ពុជា ត្រូវដាក់លក់នៅប្រទេសអូស្ត្រាលីក្នុងតម្លៃ ៣២៥លានដុល្លារ ដែលជាការលក់អចលនទ្រព្យធំបំផុតលើផែនដី។

ដីធ្លីឯកជនដ៏ធំនេះ ជាកម្មសិទ្ធិរបស់ត្រកូលជនជាតិអូស្ត្រាលី ដែលមានប្រវត្តិកាន់កាប់តគ្នាមក ៥ជំនាន់ហើយ។ ម្ចាស់កម្មសិទ្ធិជំនាន់ចុងក្រោយគេ ដែលកំពុងកាន់កាប់នាពេលបច្ចុប្បន្ន បានសម្រេចចិត្តដាក់លក់អចលនទ្រព្យ រួមមានទាំងកសិដ្ឋានចិញ្ចឹមសត្វធំជាងគេលើផែនដីផងដែរ។

ការប្រមូលផ្ដុំដីធ្លីដ៏ធំនៅក្នុងតំបន់ដាច់ស្រយាលនេះ កើតឡើងតាំងពីជាង ១០០ឆ្នាំមុន ដោយអ្នកចម្ការដ៏ល្បីល្បាញរបស់អូស្ត្រាលីឈ្មោះ Sidney Kidman។ ក្រោយគ្រប់គ្រងអស់ច្រើនជំនាន់មក ដែនដីកម្មសិទ្ធិឯកជនដ៏ធំនេះ នឹងត្រូវលក់ទៅឲ្យមនុស្សម្នាក់ ក្នុងចំណោមអ្នកដេញថ្លៃ ៣០នាក់មកពីជុំវិញពិភពលោក នារយៈពេលប៉ុន្មានខែខាងមុខ។

ផែនទីបង្ហាញពីផ្ទៃដីឯកជនធំជាងគេលើលោក

មានមនុស្សត្រឹម ១៥០នាក់ប៉ុណ្ណោះ ដែលកំពុងរស់នៅលើដែនដីជាង ១០លានហិចតា ដែលសុទ្ធតែជាបុគ្គលិកកសិដ្ឋានចិញ្ចឹមសត្វ។ ម្ចាស់កម្មសិទ្ធិដី មានបំណងចង់ដេញថ្លៃដីនេះ ក្នុងតម្លៃយ៉ាងតិច ៣២៥លានដុល្លារ។ ការដេញថ្លៃអចលនទ្រព្យធំជាងគេលើលោក នឹងបញ្ចប់នៅខែសីហាខាងមុខ៕