ខ្សែបម្រើប្រេស៊ីលរបស់ Spurs ម្នាក់ ផ្លាស់ទៅលេងនៅចិន
- 2015-06-30 22:02:46
- ចំនួនមតិ 0 | ចំនួនចែករំលែក 0
ខ្សែបម្រើប្រេស៊ីលរបស់ Spurs ម្នាក់ ផ្លាស់ទៅលេងនៅចិន
ចន្លោះមិនឃើញ
ក្លិប Guangzhou របស់ចិន បានទិញយកខ្សែបម្រើ Paulinho របស់ក្លិប Tottenham Hotspur ជាផ្លូវការហើយ ក្នុងតម្លៃ៩,៩លានផោន (១៥,៥លានដុល្លារ) កុងត្រារយៈពេល៤ឆ្នាំ។
Guangzhou Evergrande ជាក្លិបបាល់ទាត់លេងនៅលីកកំពូលចិន Chinese Super League ហើយមានលោក Luiz Felipe Scolari ជាអ្នកចាត់ការថ្មីដែលទើបតែឡើងកាន់តំណែងនៅឆ្នាំ២០១៥នេះ។ ក្រោយពេលបានតំណែងជាអ្នកចាត់ការនៅក្លិប Guangzhou ភ្លាម អតីតគ្រូបង្វឹកក្រុមជម្រើសជាតិប្រេស៊ីលរូបនេះបានស្វែងរកទិញកីឡាករថ្មីៗនៅអឺរ៉ុបមករួមក្រុមភ្លែត ដោយអ្នកទីមួយនោះគឺកីឡាករ Paulinho របស់ក្រុម Spurs។ ខ្សែបម្រើក្រុមជម្រើសជាតិប្រេស៊ីលរូបនេះ នឹងពាក់អាវលេខ៤៨។
កីឡាករវ័យ២៦ឆ្នាំខាងលើ ចូលរួមជាមួយ Spurs តាំងពីឆ្នាំ២០១៣ ប៉ុន្តែមិនសូវជាបានចូលលេងប៉ុន្មានទេ ពោលគឺរយៈពេល២រដូវកាលមកនេះ រូបគេបង្ហាញខ្លួនបានតែ៤៥ប្រកួតប៉ុណ្ណោះ និងរកគ្រាប់បាល់បាន៥គ្រាប់៕
ចុចអានកុមារា១១ឆ្នាំម្នាក់ ធ្វើឱ្យ Arsenal, Chelsea និង Spurs ប្រជែងគ្នាយក
ប្រែសម្រួល៖ មុន្នី រម្យ ប្រភព៖ goal