Apple ចេញ10.10.4 ដោះស្រាយបញ្ហាផ្សេងៗពិសេសWi-Fi

2015-07-01 15:51:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រព័ន្ធប្រតិបត្តិការថ្មី OS X Yosemite 10.10.4 ទើបដាក់ឲ្យប្រើប្រាស់ជាសាធារណៈកាលពីម្សិលមិញ ដោយក្រុមហ៊ុន Apple ដែលអាចជួយដោះស្រាយបញ្ហាកើតមានឡើងក្នុង OS ចាស់ ជាពិសេស ការភ្ជាប់ Wi-Fi មិនបាន។

OS X Yosemite 10.10.4 ថ្មីនេះបានកែប្រែ៖

-ការភ្ជាប់អ៊ីនធឺណិត និងបណ្ដាញផ្សេងៗប្រសើរជាងមុន

-ធ្វើឲ្យ iPhoto និង Aperture libraries កាន់តែដំណើរការល្អ

-ធ្វើឲ្យការ Sync រូបភាព និងវីដេអូទៅ iCloud កាន់តែស្រួល

-ដោះស្រាយបញ្ហា ដែលបានពន្យារពេលការផ្ញើសារអេឡិចត្រូនិកចេញ

-ដោះស្រាយបញ្ហាលើវិបសាយ ដែលអ្នកប្រើប្រាស់តែងជួបប្រទះ

អ្វីដែលគួរឲ្យចាប់អារម្មណ៍នៃកំណែប្រែថ្មីនេះ គឺជួយធ្វើឲ្យការត Network និង Wi-Fi កាន់តែប្រសើរ, ធ្វើឲ្យការ Wake from Sleep នៃកុំព្យូទ័របានលឿន (OS ចាស់យឺត), កាត់បន្ថយការស៊ីទំហំ CPU អស់ច្រើន, កាត់បន្ថយការស៊ីថ្មអស់លឿន និងអ្វីៗជាច្រើនទៀត។

OS X Yosemite 10.10.4 បានដាក់តេស្តចំនួនពីរខែ មុននឹងដាក់ឲ្យប្រើប្រាស់ជាសាធារណៈ។ ឥឡូវនេះ ប្រិយមិត្តដែលប្រើ Mac អាចធ្វើការដំឡើងប្រព័ន្ធប្រតិបត្តិការរបស់ខ្លួនទៅ 10.10.4 បានហើយ៕

ប្រភព៖ macrumors