សិស្សនិស្សិតចាប់ចិត្តនឹងការផ្ដល់ជូនពិសេសរបស់ Tous Les Jours សាខាថ្មី

2015-07-01 21:57:18
ចំនួនមតិ 0 | ចំនួនចែករំលែក 0

ចន្លោះមិនឃើញ

Tous Les Jours ទើបបើកសាខាថ្មីមួយទៀតនៅទល់មុខផ្សារទំនើបសូរិយា ដោយមានការថែមជូន ពិសេសដល់សិស្ស-និស្សិតនៅពេលទិញនំប៉័ងលើសពី២$ នឹងថែមជូនទឹកក្រូចមួយដប ធ្វើឲ្យពួកគេរីករាយយ៉ាងខ្លាំង។

"យកមួយនោះ យកមួយនេះទៀត"។ ជាសំឡេងដែលសិស្សមួយក្រុមកំពុងញាប់ដៃ ចាប់នំប៉័ងដាក់លើថាសឲ្យអ្នកលក់គិតលុយ។ ពួកគេប្រាប់ថា ចង់ទិញឲ្យច្រើនៗព្រោះថ្ងៃនេះ Tous les Jours មានកម្មវិធីពិសេសដល់សិស្ស-និស្សិត។

“ខ្ញុំរីករាយនឹងកម្មវិធីនេះណាស់ ហើយរង់ចាំបែបនេះយូរណាស់មកហើយ ព្រោះខ្ញុំចូលចិត្តញ៉ាំនំប៉័ង"។ យុវសិស្ស នេ ហេមី សិស្សថ្នាក់ទី១០នៃសាលាប៊ែលធី បានប្រាប់ Sabay។ ឯ សុខអូន សិស្សថ្នាក់ទី៨នៃវិទ្យាល័យស៊ីសុវត្ថិ និយាយថា នាងក៏រីករាយនឹងកម្មវិធីនេះដែរ គ្រាន់តែឃើញគេចែក ខិតប័ណ្ណ ក៏ប្រញាប់មកទីនេះតែម្ដង។

លោក តាំង ពន្លក អ្នកប្រតិបត្តិផ្នែកគ្រប់គ្រងនៅហាងនំប៉័ង Tous les Jours ប្រាប់ថា ដើម្បីជាការអបអរសម្ពោធលក់ជាផ្លូវការនៅសាខាទី៦នេះ សិស្សនិស្សិតទាំងអស់ ដែលជាវនំប៉័ងអស់ត្រឹម២ដុល្លារ នឹងទទួលបានភេសជ្ជៈមួយដបដោយឥតគិតថ្លៃ ដែលការផ្ដល់ជូននេះមានរយៈពេលពេញ១សប្ដាហ៍។

លើសពីនេះ អតិថិជនទាំងអស់ទិញនំឬភេសជ្ជៈអស់តម្លៃចាប់ពី ១០ដុល្លារឡើងទៅ ទទួលបានរង្វាន់ជាច្រើនតាមរយៈការរង្វិលកងផ្សងសំណាងយ៉ាងសប្បាយរីករាយ ។ សម្រាប់នំខេកគ្រប់ប្រភេទទាំងអស់នឹងបានការចុះតម្លៃ៥០% នៅថ្ងៃនេះទៀតផង។ លោក បន្តថា នៅខែក្រោយហាងនំប៉័ងនេះនឹងយកនំប្រភេទរសជាតិថ្មីៗផ្ដល់ជូនអតិថិជនផងដែរ។

ហាងនំប៉័ង Tous les Jours មានលក់នំប៉័ង នំខេក ភេសជ្ជៈ និង នំសាំងវ៉ិចគ្រប់ប្រភេទ ច្រើនរសជាតិសម្រាប់ជាជម្រើសដល់អតិថិជនដូចជា មានរសជាតិផ្អែមបែបអឺរ៉ុប ប្រភេទខ្ទឹមបារាំងនំស្រួយ នំមានស្នូល ស្នូលសាច់ និងនំដូរណាត់ជាដើម៕