កំហុស៥យ៉ាង ធ្វើឲ្យសក់ឆាប់ខូច អំឡុង និងក្រោយពេលកក់សក់
- 2015-07-02 18:56:42
- ចំនួនមតិ 0 | ចំនួនចែករំលែក 0
កំហុស៥យ៉ាង ធ្វើឲ្យសក់ឆាប់ខូច អំឡុង និងក្រោយពេលកក់សក់
ចន្លោះមិនឃើញ
ការកក់សក់ជារឿងចាំបាច់សម្រាប់មនុស្សគ្រប់រូប ព្រោះសក់វាជាផ្នែកមួយនៃសម្រស់ដែលត្រូវថែរក្សាជាប្រចាំ។ យ៉ាងណាក្ដី មានកំហុសមួយចំនួន ដែលកើតឡើងនៅអំឡុង និងក្រោយពេលកក់សក់ ដែលអ្នកគួរគប្បីជៀសវាង៖
១. កក់សក់ដោយដុសខ្លាំងៗពេក
ឬសសក់មានលក្ខណៈទន់ដូចនេះនៅពេលដែលកក់សក់ដោយប្រើកម្លាំងដៃដុសខ្លាំងៗ នឹងធ្វើឲ្យសក់ប្រែជាឆាប់ខូច។ ការកក់សក់ត្រឹមបីដងក្នុងមួយសប្ដាហ៍គឺជាការប្រសើរ។ ជំនួសពីការកក់សក់ដែលដុសខ្លាំងមកជាការឈ្លីដុសសក់ថ្នមៗដែលធ្វើឲ្យសក់មិនឆាប់ខូច។
២. ចូលចិត្តប្រើទឹកក្ដៅច្រើន
មនុស្សមួយចំនួនចូលចិត្តលាយទឹកក្ដៅងូត និងកក់សក់។ ការកក់សក់ជាមួយទឹកក្ដៅលាយជាញឹកញាប់ធ្វើឲ្យសក់ស្ងួត និងងាយខូច។ ផ្ទុយទៅវិញការប្រើទឹកត្រជាក់កក់សក់ជាការល្អ ដោយវាជួយរក្សាសំណើមស្បែកក្បាល និងធ្វើឲ្យសុខភាពសក់បានល្អប្រសើរ។
៣. កក់សក់ដោយប្រញាប់ពេក
ជាធម្មតានៅពេលកក់សក់ដោយប្រើសាប៊ូកក់ គួរទុកឈ្លីឲ្យសព្វស្បែកក្បាលរួចទុករយៈ៥ទៅ១០នាទី ដើម្បីឲ្យជាតិសាប៊ូជួយធ្វើឲ្យសក់ទន់ និងមានប្រសិទ្ធភាព។ ការកក់ដោយប្រញាប់ប្រញាល់ពេកនឹងក្លាយជាការខ្ជះខ្ជាយពេលវេលាទៅវិញ។
៤. ប្រើប្រាស់ផលិតផលច្រើនពេក
ការប្រើប្រាស់ផលិតផលសម្រាប់ថែរក្សាសក់ក្បាលច្រើនពេកក្នុងពេលតែមួយ ធ្វើឲ្យសក់ឆាប់ខូច។ គប្បីប្រើប្រាស់ផលិតផលបំប៉នសក់តែមួយជាការប្រសើរជាង។
៥. ប្រើកន្សែងជូតសក់
ការយកកន្សែងមកជូតសម្ងួតសក់ គឺធ្វើឲ្យសក់ឆាប់ខូច ជាពិសេសការត្រដុសជូតខ្លាំងៗ។ ជំនួសការជូតខ្លាំងដោយយកកន្សែងមកផ្ដិតសក់បន្តិចៗគឺប្រសើរជាង ឬទុកឲ្យសក់ស្ងួតដោយខ្លួនឯងដែលជួយបង្ការការធ្វើឲ្យសក់ខូច៕
ចុចអាន៖ ៥ចំណុចគួរដឹង មុនពេលហាយឡាយសក់
ប្រែសម្រួល៖ មាន រតនា ប្រភព៖ emaggy
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
