បុរសពិការប្រឹងស្រវារកចំណេះ រហូតបានរៀនផ្នែកច្បាប់

2014-10-13 18:54:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីដឹងខ្លួនពិការ បុរសចិនម្នាក់ឈ្មោះ Yu Chongle មិនបានបោះបង់ឱកាសសិក្សាទេ ផ្ទុយទៅវិញលោកបានបញ្ចប់ថ្នាក់វិទ្យាល័យ រហូតបានរៀនផ្នែកច្បាប់ នៅសាកលវិទ្យាល័យទៀតផង។

លោក Yu ប្រាប់អ្នកសារព័ត៌មានថា ប្អូនប្រុសលោកបានជូនលោកទៅសាលារាល់ថ្ងៃ រហូតប្អូនប្រុសឈប់រៀន។ ពេលនោះលោកមានអារម្មណ៍មិនស្រួលក្នុងចិត្តសោះ ក្រោយបាត់បង់ជំនួយពីប្អូន។ "ខ្ញុំចង់ឈប់រៀន ប៉ុន្តែគិតទៅខ្ញុំក៏បន្តទៀត ព្រោះមានការលើកទឹកចិត្តពីឪពុកម្ដាយ"។

បច្ចុប្បន្ន Yu ជានិស្សិតឆ្នាំទី១នៅមហាវិទ្យាល័យ Lijiang នៃសាកលវិទ្យាល័យ Guangxi Normal។ សិស្សច្បងមួយចំនួន បានទៅការិយាល័យបង់ប្រាក់ ដើម្បីជួយបង់ប្រាក់ឱ្យ Yu ខណៈអ្នកផ្សេងបានជួយរៀបចំគ្រែ ពេលលោកចូលរៀនក្នុងខែកញ្ញាថ្មីៗនេះ។ ចំណែកខាងសាលា បានរៀបចំកន្លែងស្នាក់របស់លោក ឱ្យនៅជាន់ក្រោម។

ដោយមានការជួយយកចិត្តទុកដាក់ពីសាលា និងមិត្តយ៉ាងដូច្នេះ Yu និយាយដោយក្ដីដឹងគុណថា៖ “ខ្ញុំមានអារម្មណ៍កក់ក្ដៅ បន្ទាប់មកសាលានេះ ព្រោះដូចខ្ញុំនៅជាមួយគ្រួសារខ្ញុំអីចឹង"។

នៅថ្ងៃទី២ សិស្សជាច្រើនចង់ជួយលើក Yu ទៅថ្នាក់នៅជាន់ទី២ តែត្រូវ Yu បដិសេធន៍ និងប្រាប់ពួកគេដោយគោរពថា លោកអាចធ្វើខ្លួនឯងបាន ៖ "ខ្ញុំគិតថា បើខ្ញុំមិនផ្លាស់ប្ដូរសង្គមនេះបានទេ ខ្ញុំនឹងព្យាយាមប្រឹងឱ្យអស់ពីសមត្ថភាព និងកែតម្រូវខ្លួនខ្ញុំ"។

កិច្ចការដ៏លំបាករបស់និស្សិតពិការរូបនេះ គឺការចុះទៅជាន់ក្រោម ព្រោះលោកត្រូវផ្ដោតអារម្មណ៍ខ្លាំង ហើយលោកមិនឆ្លើយតបទៅអ្នកណា ដែលនិយាយពាក្យសួស្ដីមកកាន់លោកឡើយ។

មិត្តរួមសាលារបស់ Yu ម្នាក់បានឱ្យដឹងថា ៖" Yu មិនត្រូវការជំនួយរបស់យើងច្រើនទេ។ ផ្ទុយទៅវិញ គាត់តែងតែចូលចិត្តយើង តាមរយៈការប្រកួតប្រជែង និងការយកឈ្នះខ្លួនរបស់គាត់"។

និស្សិតវ័យ២១ឆ្នាំនេះ ជាអ្នករស់នៅក្នុងទីក្រុង Shilong ក្នុងតំបន់ស្វយ័ត Guangxi Zhuang។ លោកអាចក្រោកឈរបានតែ១០នាទី ប៉ុណ្ណោះ ព្រោះជើងទាំងពីររបស់លោកមានសភាពស្វិត កាលពីនៅអាយុ៤ខែ។

ទោះបីពិការ តែ Yu អាចជួយការងារគ្រួសារបានច្រើន ដូចជាឡើងភ្នំ កាប់អុស ស្មៅ ដាំបាយ មើលថែប្អូនប្រុសដែលកំពុងមានជំងឺ និងជីដូនជីតាចាស់ជរា៕