ហេតុអ្វីគួរញ៉ាំទឹកភ្លាមក្រោយពេលក្រោកពីគេង?

2015-07-08 16:10:33
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សជាច្រើនដឹងថាក្នុងមួយថ្ងៃគួរញ៉ាំទឹកឲ្យបានជាមធ្យម២លីត្រ ដើម្បីឲ្យសុខភាពបានប្រសើរ។ទន្ទឹមនឹងនេះ ការញ៉ាំទឹកភ្លាមៗក្រោយពេលក្រោកពីគេងក៏បានចូលរួមចំណែកយ៉ាងច្រើនក្នុងការទ្រទ្រង់សុខភាពក៏ដូចជាជួយថែសម្រស់ឲ្យនៅក្មេងបានផងដែរ។ ញ៉ាំទឹកមួយកែវភ្លាមៗក្រោយពេលក្រោកពីគេងអាចជួយដល់សុខភាពបានច្រើន ដែលមានដូចជា៖

១. ផលិតឈាម

ក្រោកពីគេងភ្លាមញ៉ាំទឹកមួយកែវ ជួយដល់ដំណើរការផលិតបង្កបង្កើតឈាមពោលគឺផលិតឈាមថ្មី និងជួយការពាររាងកាយពីជំងឺមួយចំនួនបាន។

២. ជួយធ្វើឲ្យស្បែកមានសុខភាពល្អ

ពេលអ្នកញ៉ាំទឹកភ្លាមក្រោយពីដំណេក ជួយបញ្ចេញជាតិពុលពីក្នុងឈាម និងសារពាង្គកាយបានជាពិសេសទៅទៀតនោះគឺធ្វើឲ្យស្បែកស្រស់ថ្លា និងពន្យារភាពចាស់ជ្រីវជ្រួញនៃស្បែក។

៣. ថែរក្សាប្រព័ន្ធទឹករងៃ

ញ៉ាំទឹកពេលព្រឹកព្រលឹមជួយការពារក្រពេញទឹករងៃដោយវាផលិតទឹករងៃដែលជួយការពារឈាមកុំឲ្យឆ្លងមេរោគផ្សេងៗ។ ក្រៅពីនេះវាជួយរក្សាសារធាតុរាវក្នុងរាងកាយឲ្យមានតុល្យភាព។

៤. រក្សាទម្ងន់ឲ្យនៅថេរ

ទឹកជួយដល់ការរំលាយអាហារក្នុងរាងកាយ។ ដូចនេះប្រសិនបើអ្នកចង់រក្សាទម្ងន់ឲ្យនៅថេរ ការញ៉ាំទឹកភ្លាមៗក្រោយក្រោកពីគេងអាចជួយអ្នកបាន។

៥. ព្យាបាលជំងឺ

ទឹកជួយសំអាតជម្រះជាតិពុលពីក្នុងរាងកាយ ហើយអ្វីដែលជាពិសេសនោះគឺវាជួយព្យាបាលជំងឺមួយចំនួនបានទៀតផង ដូចជាការរាករូស ក្អួតចង្អោរ ជំងឺតម្រងនោម បង្ការពីជំងឺមហារីកជាដើម។