តារាស្រីទាំង ៣ ដួង មានវាសនាខុសគ្នា ក្នុងចំណងស្នេហ៍ជាមួយជនបរទេស

2015-07-10 13:10:08
ចំនួនមតិ 0 | ចំនួនចែករំលែក 0

ចន្លោះមិនឃើញ

មានតារាខ្មែរជាច្រើនមកហើយ ដែលបានសាងចំណងស្នេហាជាមួយបុរសជាជនបរទេស។ ក្នុងនោះមានតារាខ្លះកំពុងបន្តសាងភាពផ្អែមល្ហែម ក្នុងនាមជាប្ដី-ប្រពន្ធ ឬជាសង្សារ ហើយទៅណាមកណាជាមួយគ្នា។ ទន្ទឹមនោះ ក៏មានចំណងគូស្នេហ៍តារាខ្មែរ ជាមួយបុរសជនបរទេសខ្លះ ត្រូវដាច់ដោចទៅវិញ ក្នុងហេតុផលផ្សេងៗ។ មើលវាសនាខុសគ្នារបស់តារាស្រី ៣ រូបខាងក្រោម៖

១. ទូច ស្រីលក្ខណ៍៖ រហូតមកដល់ពេលនេះ ចំណងអាពាហ៍ពិពាហ៍របស់ ទូច ស្រីលក្ខណ៍ ជាមួយនឹងបុរសជនជាតិ ហុឡង់ដ៍ មានអាយុកាល ៥ ឆ្នាំ មកហើយ ដោយមានចំណងដៃ កូនប្រុសម្នាក់ សម្រាប់អ្នកទាំងពីរ។ ស្រីលក្ខណ៍ ធ្លាប់ប្រាប់សារព័ត៌មានក្នុងស្រុកថា ប្ដីរបស់នាងជាជនបរទេសយល់ពីវប្បធម៌ខ្មែរ ធ្វើឱ្យនាងយល់ព្រមទទួលយកជាអនាគត។ ទោះបីជាមានការងារអាចរកលុយបានយ៉ាងណាក្ដី ប៉ុន្តែ នាងអះអាងថា មិនដែលភ្លេចតួនាទីជាភរិយានោះទេ។

២. នេត សុចរិយា៖ ពិធីការិនី នេត សុចរិយា មួយរយៈចុងក្រោយនេះ កាន់តែបើកចំហពីទំនាក់ទំនង ជាមួយថៅកែស្រាល្បីឈ្មោះសញ្ជាតិម៉ាឡេស៊ី រាល់កម្មវិធីជួបជុំសិល្បៈម្ដងៗ អ្នកទាំង២ តែងតែបណ្ដើរគ្នាទៅចូលរួមមិនដែលដាច់ឡើយ។ កន្លងមកនាង និង លោក Nathan Gan អះអាងថា មិនទាន់មានតម្រុយរៀបការនោះទេ ក្នុងហេតុផលរវល់ការងាររៀងខ្លួន។ បច្ចុប្បន្នទំនាក់ទំនងរបស់ពូកគេ នៅតែស្អិតល្មួតដដែល។

៣. ទឹម រដ្ឋា៖ នាងធ្លាប់បានសាងចំណងស្នេហ៍ជាមួយបុរសជាអ្នកជំនួញប៉ាគីស្ថានឈ្មោះ Zacky បាន ១ ឆ្នាំដែរ ប៉ុន្តែអកុសលក៏បែកគ្នាទៅវិញដើមឆ្នាំ ២០១៥ ដោយប្រកាសផ្ដាច់ទំនាក់ទំនងជាសាធារណៈ។ ដើមចមបែកបាក់ ដោយសារបុរសសាច់ដុំរូបនេះ ជាមនុស្សពូកែប្រចណ្ឌ ។ រដ្ឋា ធ្លាប់និយាយនៅក្នុងកម្មវិធីទូរទស្សន៍មួយដោយអះអាងថា នាងមិនបារម្ភពីផលប៉ះពាល់ដល់ប្រជាប្រិយភាពក្នុងវិស័យសិល្បៈនោះទេ ហើយកំពុងព្យាបាលរបួសបេះដូង៕