Man Utd នឹងទិញយក Schneiderlin មុនទៅប្រកួតមិត្តភាព

2015-07-09 22:32:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លិបបិសាចក្រហម Manchester United ជឿថានឹងទិញបានខ្សែបម្រើ Morgan Schneiderlin របស់ Southampton ខណៈដែលអ្នកចាត់ការ Louis van Gaal ចង់ទិញយកកីឡាករជម្រើសជាតិបារាំងរូបនេះ មុនពេលទៅប្រកួតមិត្តភាពនៅអាមេរិក។

យោងតាម Sportmail បានឲ្យដឹងថា អ្នកតំណាងរបស់ក្លិប Man Utd បានធ្វើដំណើរទៅឆ្នេរភាគខាងត្បូង កាលពីម្សិលមិញ ដើម្បីដេញថ្លៃ Schneiderlin ជាលើកទី២ បន្ទាប់ពីកាលពីខែមុន បិសាចក្រហម បានដេញថ្លៃ២០លានផោន (ជាង៣០លានដុល្លារ) ម្តងហើយ ប៉ុន្តែត្រូវបានអ្នកចាត់ការ Ronald Koeman បដិសេធ។

Southampton ចង់លក់ Schneiderlin នូវតម្លៃ២៧លានផោន ដូច្នេះតម្លៃនេះត្រូវបានគេជឿថា អាចនឹងមានការព្រមព្រៀងគ្នាឆាប់ៗ ក្នុងការដេញថ្លៃលើកទី២នេះ ខណៈដែល Man Utd ចង់បានខ្សែបម្រើវ័យ២៥ឆ្នាំ ដើម្បីទៅជំនួសតំណែង Michael Carrick ដែលមានវ័យកាន់តែចាស់ហើយ នាពេលអនាគត។

យ៉ាងណាមិញ លោក Van Gaal ក៏ចង់នាំយក Schneiderlin ចូលរួមជាមួយក្រុម ដើម្បីធ្វើដំណើរទៅកាន់ទឹកដីអាមេរិក ដោយក្រុមរបស់លោកមានគម្រោងចាកចេញពីប្រលានយន្តហោះ Manchester Airport នៅថ្ងៃច័ន្ទ ទី១៣ ខែកក្កដានេះ៕

Man Utd នឹងប្រកួតមិត្តភាពនៅទឹកដីអាមេរិក៤ប្រកួតដូចខាងក្រោម៖