៣ សន្លឹកបង្ហាញពីសុជីវធម៌តាមដងផ្លូវគួរយកជាគំរូ

2015-07-11 18:32:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ការធ្វើដំណើរតាមដងផ្លូវ ប្រសិនបើអ្នកបើកបរមិនដឹងច្បាប់ទម្លាប់អាចបង្កជាគ្រោះថ្នាក់ធ្ងន់ធ្ងរជាយថាហេតុ ហើយអ្វីដែលសំខាន់ជាងនេះបើគ្មានធម៌ខន្តី សុជីវធម៌ក្នុងការបើកបរដាក់ចិត្តឲ្យធ្ងន់ទេ គ្រោះថ្នាក់ប៉ះពារបន្តិចបន្តួចអាចក្លាយជាជម្លោះធំរហូតឈានដល់វាយតប់ និងឡើងតុលាការខាតបង់ម្ខាងៗទាំងពេលវេលា និងថវិកា។ រូបបីសន្លឹកខាងក្រោមបង្ហាញកាយវិការទន់ភ្លន់ យោគយល់អធ្យាស្រ័យ ក្នុងហេតុការណ៍គ្រោះថ្នាក់ចរាចរណ៍តូចមួយកាលពីម៉ោង ១២ ថ្ងៃត្រង់ ថ្ងៃទី ១០ កក្កដាម្សិលមិញត្រង់ចំណុចស្តុបអូរឫស្សី ចំណុចប្រសព្វមហាវិថីព្រះមុនីវង្សដែលប្រទះឃើញដោយបុគ្គលិក Sabay។

ក្នុងហេតុការណ៍នេះមានម៉ូតូពីរគ្រឿង។ ម៉ូតូមួយគ្រឿងបើកបរតែឯង ដោយមានផ្ទុកឥវ៉ាន់យ៉ាងធ្ងន់នៅពីក្រោយ មួយគ្រឿងទៀតបើកបរឌុបគ្នាពីរនាក់។ ដោយជិះមិនប្រយ័ត្ន អ្នកទាំងពីរក៏វ៉ាក់អឺប្រុងនឹងកៀរគ្នា តែម៉ូតូដែលជិះតែឯងប្រឹងគេចក៏ដួលចាក់ឥវ៉ាន់ដ៏ធ្ងន់នៅផ្លូវ។ ឃើញដូចនេះដើម្បីជាការសូមទោសផង អ្នកបើកបរម៉ូតូពីរនាក់បានឈប់ម៉ូតូចុះជួយលើកឥវ៉ាន់ដ៏ធ្ងន់ដាក់លើម៉ូតូភាគីម្ខាងទៀត។ សកម្មភាពនេះបានរំងាប់អារម្មណ៍ខឹងសម្បាររបស់ភាគីម្ខាងៗ ហើយចុងក្រោយទាំងពីរភាគីបានចាកចេញដោយការស្នាមញញឹម យោគយល់អធ្យាស្រ័យគ្នា ជាជាងការស្រែកជេរ រកអ្នកឈ្នះរៀងៗខ្លួន។ នេះគ្រាន់ជារឿងតូចមួយដែល Sabay ចង់ចែករំលែកឲ្យប្រិយមិត្តយកទៅពិចារណាក្នុងនាមជាអ្នកដំណើរតាមដងផ្លូវរាល់ថ្ងៃ។ អធ្យាស្រ័យអាចឲ្យរឿងធំក្លាយជារឿងតូច រឿងតូចក្លាយជាគ្មានរឿង៕