មើលរឿង ឈិន ឡុងច្រើន តែដឹងរឿងដំបូងរបស់គាត់នៅហូលីវូដចំណងជើងអ្វីទេ?

2015-07-11 22:43:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ជឿជាក់ថា មិនមានរឿងដែលសម្ដែងដោយ ឈិន ឡុងតិចទេ ដែលអ្នកបានទស្សនាទាំងរឿងថតនៅចិន និងហូលីវូដ។ តែមានប៉ុន្មាននាក់ដែលដឹងថា រឿងដំបូងដែលតារាក្បាច់គុនកំប្លែងរូបនេះសម្ដែងដើម្បីហក់ចូលទីផ្សារហូលីវូដមានចំណងជើងអ្វី?

រឿងដំបូងក្នុងបំណងហក់ចូលទៅពិភពភាពយន្តល្បីអាមេរិកគឺរឿង "The Big Brawl” ឆ្នាំ ១៩៨០ តែមិនទទួលបានជោគជ័យទេ។ បន្ទាប់ពីនោះ ឈិន ឡុងបានបន្តសម្ដែងរឿងពីរទៀតគឺ “Cannonball Run” ឆ្នាំ ១៩៨៤ និង “The Protector” នៅឆ្នាំ ១៩៨៥ ដើម្បីសាងកេរ្ថ៍ឈ្មោះនៅប្រទេសមហាអំណាចពិភពលោកមួយនេះ។ តែប៉ុន្មានរឿងនេះនៅតែមិនអាចឲ្យកំពូលតារាសម្ដែងចិនទទួលបានការគាំទ្រនៅទឹកដីអាមេរិកដដែល។ បរាជ័យនោះមកពីកត្តាពីរទីមួយគឺមកពីភាសាអង់គ្លេសរបស់គាត់និយាយមិនសូវបានល្អ និងទីពីរគឺ ការប្រូម៉ូសិនខ្សោយ។

ការតស៊ូមិនបោះបង់ទីបំផុតគាត់ទទួលជោគជ័យក្រោយថតរឿង "Rumble in the Bronx” នៅឆ្នាំ ១៩៩៥ ដោយទទួលបានការគាំទ្រយ៉ាងសម្បើម ហើយចាប់ពីពេលនោះមកស្នាដៃសម្ដែងរបស់គាត់ត្រូវបានទទួលស្គាល់នៅហូលីវូដរហូតល្បីឈ្មោះបោះសំឡេងមកដល់សព្វថ្ងៃ។

ទស្សនាការសម្ដែងរបស់ឈិន ឡុងក្នុងរឿង "The Big Brawl"៖

https://www.youtube.com/watch?v=RmRRd_SMzyk

អាន៖ រំលឹក៣បទដំបូងដែលនាំឲ្យអ្នកស្គាល់ Big Bang 

ប្រែសម្រួល៖ សីហា ប្រភព៖ Askmen