បាក់ឌុបព្រឹកមិញបេក្ខជនភាគច្រើនធ្វើមិនបាន ៥០% ទេ!
- 2014-10-13 19:43:00
- ចំនួនមតិ 0 | ចំនួនចែករំលែក 0
បាក់ឌុបព្រឹកមិញបេក្ខជនភាគច្រើនធ្វើមិនបាន ៥០% ទេ!
ចន្លោះមិនឃើញ
“ប្រលងព្រឹកមិញតឹងដូច ការប្រលងលើកទី១ ហើយរឿងបែកវិញ្ញាសាក៏អត់ឭបែកដែរបង”។ ទាំងនេះគឺការរៀបរាប់របស់យុវជន ប៊ុន ថាន ប្រាប់ Sabay បន្ទាប់ពីចេញមណ្ឌលប្រលងនៅវិទ្យាល័យវត្តកោះនៅមុននេះ។ យុវជនរូបនេះបានរៀបរាប់ថា ទាំងគ្រូអនុរក្ស និងក្រុមអ្នកសង្កេតការណ៍ កាន់តែច្រើនជាងមុន។ ដូច្នេះទាំងអស់គ្នាគ្មានអ្វីបានក្រៅពីប្រឹងសរសេរដោយខ្លួនឯងឡើយ។ "ខ្ញុំធ្វើបានជាង ៤០ % ប៉ុន្តែសង្ឃឹមច្រើនជាងលើកមុន”។ ប៊ុន ថាន បន្ថែម។
យុវជន តីន វ៉ាន់ បេក្ខជនម្នាក់ផេ្សងប្រលង នៅវិទ្យាល័យជាស៊ីម ព្រះយុគន្ធក៏បានរៀបរាប់ដែរថា ខ្លួនធ្វើហើយមិនដល់ ៥០% លើវិញ្ញាសាគីមីម៉ោងដំបូង ហើយបេក្ខជនជាច្រើនទៀត ក្នុងបន្ទប់ជាមួយគ្នាក៏ដូចគ្នាដែរ។ "ខ្ញុំមិនទាន់ហ៊ាននិយាយថា ជាប់ប៉ុន្មានភាគរយទេ ព្រោះត្រូវរង់ចាំល្ងាចនេះ នឹងស្អែកទើបអាចដឹងច្បាស់”។ “ប្រលងលើកនេះ វិន័យដូចធូរជាងលើកមុន។ ប៉ុន្តែភាគច្រើននៅតែធ្វើបានតិច”។ ទាំងនេះគឺជាការរៀបរាប់ របស់យុវជន វីដាល ប្រាប់ Sabay ក្រោយចេញពីមណ្ឌលប្រលង។ វិដាល បានរៀបរាប់ថា ធ្វើបានជាង ៥០% លើវិញ្ញាសាគីមី និងជីវៈវិទ្យា ប៉ុន្តែមិនសូវមានទំនុកចិត្តថា ត្រូវទាំងអស់ឡើយ។
ទោះយ៉ាងណា យុវជន ប៉ាលី បេក្ខជនប្រលងម្នាក់ផេ្សងទៀត នៅមណ្ឌលវត្តកោះបានរៀបរាប់ថា លទ្ធផលមួយព្រឹកមកនេះមានសង្ឃឹមច្រើន ព្រោះវិញ្ញាសាចេញមកអាចធ្វើបានប្រមាណ ៧០%។ បាលី រៀបរាប់ទៀតថា វិញ្ញាសាភាគច្រើនចេញមករាងធូរជាងការប្រលងលើកមុន។ "បេក្ខជន ក្នុងបន្ទប់ខ្ញុំឃើញអាចធ្វើបានប្រហាក់ប្រហែលគ្នា។ នេះអាចថាវិញ្ញាសារាងធូរជាងមុន”។
ការប្រលងបាក់ឌុបមានបេក្ខជន ៦៧០០០ នាក់ ដោយចែកជា ១១៧ មណ្ឌល។ ចំណែកលទ្ធផលប្រលងនឹងប្រកាសនៅថ្ងៃទី៤ ខែវិច្ឆិកា ឆ្នាំ២០១៤៕
អត្ថបទ៖មៃ សុខលីម
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
