“Minions” បើកឆាកភ្លាមរកបានជិត ៤០០លានដុល្លារ

2015-07-13 17:09:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តតុក្កតា "Minions” របស់ផលិតកម្ម Universal បានជាប់ចំណាត់ថ្នាក់លេខ១លើតារាងចំណូលភាពយន្ត Box Office សប្ដាហ៍នេះ ដោយអាចរកបាន ១១៥,២លានដុល្លារពីការបញ្ចាំងរយៈពេល ៣ថ្ងៃដំបូង នៅអាមេរិក និង ២៨០,៥លានដុល្លារទៀតពីប្រទេសផ្សេងៗ។ សរុបទាំងអស់ សប្ដាហ៍ទីមួយនេះ "Minions” អាចរកចំណូលបាន ៣៩៥,៧លានដុល្លារ។

"Minions” រៀបរាប់ពីដំណើរផ្សងព្រេងរបស់តុក្កតា Minions ទាំង៣រួមមាន Stuart, Kevin និង Bob មុនពេលពួកគេជួប Gru ដែលជាចៅហ្វាយរបស់ពួកគេក្នុងរឿង “Despicable Me” (ចេញឆ្នាំ ២០១០)និងរឿង “Despicable Me 2” (ចេញឆ្នាំ ២០១៣)។

ងាកមកចំណាត់ថ្នាក់ទីពីរ គឺបានទៅលើខ្សែភាពយន្ត "Jurassic World” ដែលបានគ្រងតំណែងលេខ១កាលពី៤សប្ដាហ៍មុន។ សប្ដាហ៍នេះ ខ្សែភាពយន្តសួនដាយណូស័រមួយនេះនៅតែអាចរកបាន ១៨,១លានដុល្លារនៅអាមេរិក ដែលសរុបចំណូលទាំងអស់គឺ ១,៤ពាន់លានដុល្លារហើយ។

ចំណាត់ថ្នាក់លេខ៣ សប្ដាហ៍នេះ គឺខ្សែភាពយន្តតុក្កតារបស់ក្រុមហ៊ុន Pixar រឿង "Inside Out” ដែលអាចរកចំណូលបាន ១៧,១លានដុល្លារ ហើយចំណាត់ថ្នាក់លេខ៤ គឺខ្សែភាពយន្តវិទ្យាសាស្ត្រ "Terminator: Genisys” របស់តារាសម្ដែង Arnold ដែលអាចរកបាន ១៣,៧លានដុល្លារ។

ខាងក្រោមនេះគឺជាចំណាត់ថ្នាក់កំពូលទាំង ១០លើតារាងចំណូលភាពយន្ត Box Office នៅអាមេរិកសប្ដាហ៍នេះ (ចំណូលចុងសប្ដាហ៍គិតចាប់ពីថ្ងៃទី១០-១២ខែកក្កដា)៖

ល.រ	ចំណងជើងភាពយន្ត	ចំណូលចុងសប្ដាហ៍	ចំណូលសរុប	សប្ដាហ៍ទី
១	Minions	១១៥,២លានដុល្លារ	១១៥,២លានដុល្លារ	១
២	Jurassic World	១៨,១លានដុល្លារ	៥៩០,៦លានដុល្លារ	៥
៣	Inside Out	១៧,១លានដុល្លារ	២៨៣,៦លានដុល្លារ	៤
៤	Terminator: Genisys	១៣,៧លានដុល្លារ	៦៨,៧លានដុល្លារ	២
៥	The Gallows	១០លានដុល្លារ	១០លានដុល្លារ	១
៦	Magic Mike XXL	៩,៦លានដុល្លារ	៤៨,៣លានដុល្លារ	២
៧	Ted 2	៥,៦លានដុល្លារ	៧១,៦លានដុល្លារ	៣
៨	Self/Less	៥,៣លានដុល្លារ	៥,៣លានដុល្លារ	១
៩	Baahubali: The Beginning	៣,៥លានដុល្លារ	៣,៥លានដុល្លារ	១
១០	Max (2015)	៣,៤លានដុល្លារ	៣៣,៧លានដុល្លារ	៣