តួអង្គ "Power Rangers” ចាស់ៗ ទៅដល់ណាអស់ហើយឥលូវនេះ?

2015-07-09 13:05:04
ចំនួនមតិ 0 | ចំនួនចែករំលែក 0

ចន្លោះមិនឃើញ

“Power Rangers” គឺជាភាពយន្តទូរទស្សន៍ដ៏ល្បីល្បាញសម្រាប់កុមារទូទាំងពិភពលោកក្នុងអំឡុងទសវត្ស ៩០។ មកទល់ពេលនេះ ភាពយន្តនេះមានអាយុកាលជាង ២ទសវត្សហើយ។ ប្រិយមិត្តចង់ដឹងទេ ថាតួអ្នកក្លាហាន Power Rangers ទាំងពីរស៊េរីបានក្លាយជាអ្វីខ្លះហើយនាពេលបច្ចុប្បន្ន? ចង់ដឹងចម្លើយសូមតាមដានខាងក្រោមនេះទាំងអស់គ្នា៖

Austin St. John សម្ដែងជាតួ Power Ranger ពណ៌ក្រហម Jason Lee Scott

ក្រោយបំពេញការងារជាជំនួយការវេជ្ជបណ្ឌិត និងអ្នកពន្លត់អគ្គីភ័យ St. John បានចូលបម្រើទ័ពអាមេរិកអស់រយៈពេលជាច្រើនឆ្នាំ។ St. John នឹងត្រលប់មកកាន់អាជីពសម្ដែងវិញ តាមរយៈខ្សែភាពយន្តថ្មីរឿង "Survival’s End”។

Walter Jones សម្ដែងជាតួ Power Ranger ពណ៌ខ្មៅ Zack Taylor

Jones បានបន្តអាជីពសម្ដែងមកដល់បច្ចុប្បន្ន ដោយបានសម្ដែងជាតួរាយរងក្នុងខ្សែភាពយន្តមួយចំនួនដូចជា “Vampire Slayer” និង “The Shield” និងជាតួឯកក្នុងរឿង "Malibu Shores”។

Amy Jo Johnson សម្ដែងជាតួ Power Ranger ពណ៌ផ្កាឈូក Kimberly Ann Hart

ក្រោយឈប់សម្ដែងរឿង "Power Rangers” Johnson បានទទួលជោគជ័យម្ដងទៀតតាមរយៈការសម្ដែងតួឯកក្នុងរឿងភាគ "Felicity”។

David Yost សម្ដែងជាតួ Power Ranger ពណ៌ខៀវ Billy Cranston

តាំងពីបញ្ចប់រឿង "Power Rangers” មក Yost បានផ្លាស់ប្ដូរពីអាជីពសម្ដែងមុខកាមេរ៉ា មកជាអាជីពក្រោយកាមេរ៉ាវិញ គឺជាផលិតករកម្មវិធីទូរទស្សន៍។

Jason David Frank សម្ដែងជាតួ Power Ranger ពណ៌បៃតង Thomas “Tommy” Oliver

តារាសម្ដែង Frank បានបន្តអាជីពជាអ្នកប្រដាល់ក្បាច់គុនចម្រុះ (MMA)។

Steve Cardenas សម្ដែងជាតួ Power Ranger ពណ៌ក្រហមទីពីរ Rocky DeSantos

Steve Cardenas បានក្លាយជាគ្រូបង្ហាត់ក្បាច់គុន ហើយឥលូវនេះគេបានបើកសាលាបង្ហាត់គុនផ្ទាល់ខ្លួននៅរដ្ឋ California មួយ និងនៅរដ្ឋ Texas មួយ។

Karan Ashley សម្ដែងជាតួ Power Ranger ពណ៌លឿងទីពីរ Aisha Campbell

អតីតតួ Power Ranger ពណ៌លឿង Ashley ឥលូវនេះបានក្លាយជាពិធីការិនីម្នាក់ ក្នុងកម្មវិធីវិទ្យុ UnCensored Radio។ ដោយឡែកតារាសម្ដែង Thuy Trang ដែលបានសម្ដែងជាតួ Power Ranger លឿងស៊េរីទីមួយ បានស្លាប់ដោយសារគ្រោះថ្នាក់ចរាចរកាលពីឆ្នាំ២០០១។