Ramos អាចនឹងធ្វើជាប្រធានក្រុម Real Madrid ជំនួស Casillas

2015-07-14 22:02:57
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមកាសែត Marca របស់អេស្ប៉ាញបានចុះផ្សាយថា Sergio Ramos អាចនឹងធ្វើជាប្រធានក្រុម Real Madrid ជំនួស Iker Casillas មិនចាកចេញទៅ Manchester United ឡើយ។

ព័ត៌មានខាងលើមិនទាន់បានប្រកាសជាផ្លូវការដោយក្លិប Real Madrid នៅឡើយទេ ប៉ុន្តែសាមីខ្លួន Ramos និងអ្នកចាត់ការក្រុម Rafa Benitez ត្រូវបានគេដឹងថាប្រហែលជាចរចាគ្នាត្រូវរ៉ូវហើយ ទើបពួកគេចេញដំណើរទៅប្រកួតមិត្តភាពត្រៀមបើករដូវកាលថ្មី ។ លក្ខខណ្ឌផ្ទាល់ខ្លួនដែលអាចឱ្យខ្សែការពារជម្រើសជាតិអេស្ប៉ាញរូបនេះសប្បាយចិត្តនឹងនៅ Real Madrid តទៀតនោះ អាចជាឱ្យកីឡាករវ័យ២៩ឆ្នាំរូបនេះធ្វើជាប្រធានក្រុម។

មួយវិញទៀតក្នុងដំណើរប្រកួតមិត្តភាពនៅអូស្ត្រាលីនេះដែរ អតីតកីឡាករ Sevilla រូបនេះ ក៏អាចនឹងទទួលរ៉ាប់រងធ្វើជាប្រធានក្រុមប៉ុណ្ណោះអាសន្នសិនដែរ បើទោះជាមិនទាន់មានការប្រកាសជាផ្លូវការក៏ដោយ។

មួយរយៈចុងក្រោយនេះ កីឡាករដែលលេងនៅ Real Madrid អស់ពេល១០ឆ្នាំខាងលើ មិនសូវជាសប្បាយចិត្តជាមួយក្លិបដោយសារតែរឿងផ្ដល់ប្រាក់ប្រចាំឆ្នាំតិចពេក និងមិនបន្តកុងត្រារយៈពេលវែងឱ្យទៀត ខណៈក្លិប Manchester United កំពុងតែអន្ទងចិត្តខ្សែការពាររូបនេះជាខ្លាំង៕

ចុចអាន៖ Real Madrid មិនលក់ Ramos ឱ្យ Man Utd ក្នុងតម្លៃ៥៥លានដុល្លារ

ប្រែសម្រួល៖ មុន្នី រម្យ ប្រភព៖ eurosport