Benitez ថា Ramos មិនចេញពី Real ទេ ព្រោះគេជាកូនសោដើម្បីឈ្នះ

2015-07-18 15:41:51
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Rafael Benitez អ្នកចាត់ការក្រុម Real Madrid បានប្រកាសថា កីឡាករ Sergio Ramos មិនចាកចេញពីអេស្ប៉ាញទៅលេងនៅ Manchester United ទេក្នុងរដូវកាលនេះ ព្រោះក្លិបមិនអាចលក់កីឡាករដែលជាកូនសោដើម្បីឈ្នះពានរង្វាន់បានឡើយ។

ពេលសន្និសីទកាសែតមុនប្រកួតពានរង្វាន់ International Champions Cup ដែលធ្វើឡើងនៅល្ងាចម៉ោង៤នេះ លោក Benitez បាននិយាយចំពោះអនាគតរបស់ Ramos ថា៖ "ខ្ញុំមើលឃើញ Sergio ជាផ្នែកមួយដ៏សំខាន់នៅក្នុងក្រុមរបស់យើង។ គាត់គឺជាអ្នកឈ្នះ ហើយនេះគឺជាអ្វីដែលយើងត្រូវការ។ ប្រធានក្លិបបាននិយាយរួចហើយថា គាត់នឹងនៅជាមួយយើងបន្តទៀត”។

តាំងពីរដូវកាលដោះដូរកីឡាករបើកមក រឿងខ្សែការពារជម្រើសជាតិអេស្ប៉ាញខាងលើមិនសប្បាយចិត្តនៅ Real ហើយចង់ទៅ Man Utd នោះ ចេះតែមានរហូត ទាល់តែពេលអតីតកីឡាករ Sevilla រូបនេះ បានឡើងយន្តហោះមកប្រកួតលក្ខណៈមិត្តភាពនៅអូស្ត្រាលីជាមួយមិត្តរួមក្រុមអធិរាជសទើបស្ងាត់ទៅវិញបន្តិច។ ខណៈដែលពេលនេះ អ្នកចាត់ការថ្មី Benitez បានចេញមកបកស្រាយឱ្យកាន់តែច្បាស់លាស់ថែមទៀតហើយ។

ខ្សែការពារវ័យ២៩ឆ្នាំខាងលើ ជាកីឡាករដែល Real ទិញពី Sevilla នៅឆ្នាំ២០០៥ ហើយរយៈពេល១០ឆ្នាំមកនេះ រូបគេបង្ហាញខ្លួនបាន៤៤៥ប្រកួត និងជួយក្រុមលើកពានរង្វាន់ធំៗមិនតិចនោះទេ ៕

ចុចអាន៖Ramos អាចនឹងធ្វើជាប្រធានក្រុម Real Madrid ជំនួស Casillas

ប្រែសម្រួល៖ មុន្នី រម្យ ប្រភព៖ bbc