Samsung ប្រកាស Galaxy Tab S2 ដែលជាគូប្រជែងដ៏ខ្លាំងក្លារបស់ iPad Air 2
- 2015-07-20 18:00:27
- ចំនួនមតិ 0 | ចំនួនចែករំលែក 0
Samsung ប្រកាស Galaxy Tab S2 ដែលជាគូប្រជែងដ៏ខ្លាំងក្លារបស់ iPad Air 2
ចន្លោះមិនឃើញ
ក្រុមហ៊ុន Samsung បានធ្វើការប្រកាសជាផ្លូវការហើយនូវ Galaxy Tab S2 ដែលនឹងចេញលក់ជាផ្លូវការនៅក្នុងខែ សីហា ខាងមុខនេះ។
Tablet Galaxy Tab S2 នឹងចេញលក់នៅលើទីផ្សារនៅខែសីហានេះ ដែលមានពីរម៉ូដែល គឺទំហំអេក្រង់៨អ៊ីញ និងអេក្រង់៩,៧អ៊ីញ។ Samsung បានឲ្យដឹងផងដែរថា Galaxy Tab S2 នេះគឺជា Tablet មានកម្រាស់ស្ដើងជាងគេ និងស្រាលជាងគេ ដែលក្រុមហ៊ុនបានផលិត។ សម្រាប់អេក្រង់ ៨អ៊ីញ មានកម្រាស់ត្រឹមតែ ៥,៦មម និងទម្ងន់២៦៥ក្រាម ខណៈអេក្រង់ ៩,៧អ៊ីញ មានទម្ងន់៣៨៩ក្រាម។
Tablet ជំនាន់ថ្មីនេះមានបំពាក់ CPU ប្រភេទ octa-core ដោយមួយមាន ៤ Core ល្បឿន ១,៩GHz និង មួយទៀតមាន ៤ Core ល្បឿន ១,៣GHz។ ចំពោះ RAM វិញ ទាំងពីរម៉ូដែលគឺមានទំហំ ៣GB មានកាមេរ៉ាក្រោយទំហំ ៨មេហ្គាភិកស្សែល និងមុខ ២,១ មេហ្គាភិកស្សែល។ Tablet ទាំងពីរនេះក៏មានបំពាក់មុខងារស្កេនក្រយៅដៃថ្មីរបស់ Samsung ផងដែរ។
ចំពោះតម្លៃនៃ Tablet ទាំងពីរម៉ូដែលនេះគឺមិនទាន់ត្រូវបានបង្ហើបឲ្យដឹងនោះទេ៕
ប្រែសម្រួល៖ ហៃ សុខហេង ប្រភព៖ androidcentral
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
