បែកធ្លាយរូបភាព Galaxy S6 Edge Plus ចុងក្រោយកាន់តែច្បាស់

2015-07-21 16:03:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Samsung ត្រូវបានគេរាយការណ៍ថា គ្រោងនឹងបញ្ចេញ Galaxy S6 Edge ជំនាន់ថ្មីមួយទៀតមានទំហំអេក្រង់ធំជាង ដែលត្រូវបានគេស្គាល់ថា Galaxy S6 Edge Plus។ ឥឡូវនេះមានរូបភាពបែកធ្លាយមួយដែលបានបង្ហាញរូបភាព Galaxy S6 Edge ជំនាន់បន្ទាប់នេះកាន់តែច្បាស់។

រូបភាពដែលបានបែកធ្លាយចុងក្រោយនេះគឺត្រូវបានបង្ហាញនៅលើគេហទំព័រ All About Samsung ដោយបានបង្ហាញវាផ្ទឹមជាមួយនឹង Galaxy Note 4។

តាមរូបភាពដែលបានដាក់បង្ហាញជាមួយនឹង Note 4 នេះគឺចង់បង្ហាញ Galaxy S6 Edge Plus គឺមានទំហំប្រហាក់ប្រហែលទៅនឹង Note 4 ដែរ មានន័យថាទំហំអេក្រង់គឺប្រហែលជា ៥,៧ អ៊ីងដែលធំជាងអេក្រង់របស់ Galaxy S6 Edge ដែលមានត្រឹមតែ ៥,១ អ៊ីងតែប៉ុណ្ណោះ។ ចំណែកឯកម្រាស់មើលទៅគឺប្រហាក់ប្រហែលគ្នាដែរ។

ចំពោះការប្រកាស់បង្ហាញវិញ ជាធម្មតាក្រុមហ៊ុន Samsung ប្រកាសបង្ហាញផលិតផលថ្មីរបស់ខ្លួនក្នុងព្រឹត្តិការណ៍ IFA Trade Show ក្នុងទីក្រុងប៊ែកឡាំង ប្រទេសអាល្លឺម៉ង់ នៅដើមខែកញ្ញា។ ប៉ុន្តែតាមពាក្យចចាមអារាមបានឲ្យដឹងថា ក្រុមហ៊ុននឹងបង្ហាញ ទូរសព្ទ ត្រកូល Note និង Galaxy S6 Edge ជំនាន់បន្ទាប់របស់ខ្លួនក្នុងពេលជាមួយក្នា ក្នុងខែសីហាខាងមុខនេះ៕

អានបន្ត៖ កាន់តែច្បាស់ Samsung នឹងផលិត Galaxy S6 Edge Plus

ប្រែសម្រួល៖ សំនៀង ប្រភព៖ businessinsider