Liverpool ទៅដល់ម៉ាឡេស៊ី ត្រៀមប្រកួតចុងក្រោយ មុនត្រឡប់ទៅអឺរ៉ុបវិញ
- 2015-07-22 18:26:54
- ចំនួនមតិ 0 | ចំនួនចែករំលែក 0
Liverpool ទៅដល់ម៉ាឡេស៊ី ត្រៀមប្រកួតចុងក្រោយ មុនត្រឡប់ទៅអឺរ៉ុបវិញ
ចន្លោះមិនឃើញ
ក្រុមហង្សក្រហម Liverpool បានធ្វើដំណើរទៅដល់ទីក្រុង Kuala Lumpur ប្រទេសម៉ាឡេស៊ីហើយ កាលពីយប់មិញ ដើម្បីត្រៀមប្រកួតទល់នឹងក្រុមជម្រើសជាតិម៉ាឡេស៊ី នៅថ្ងៃសុក្រ ដែលជាការប្រកួតលើកចុងក្រោយ មុនត្រឡប់ទៅអឺរ៉ុបវិញ។
ក្រុមរបស់លោក Brendan Rodgers ដែលរួមមានទាំងតារាឆ្នើមៗដូចជា Jordan Henderson, Adam Lallana, James Milner និងកីឡាករច្រើននាក់ទៀត បានទៅដល់ Saujana Resort កាលពីយប់មិញ ខណៈដែលនារីៗម៉ាឡេស៊ី បានបំពាក់កម្រងផ្កាឲ្យ ពេលក្រុមកីឡាករចុះពីរថយន្តក្រុង។
៣ប្រកួតមិត្តភាពកន្លងមក Liverpool មិនទាន់ស្គាល់ពាក្យថាចាញ់ទេ ពោលគឺឈ្នះទាំង៣ប្រកួតតែម្ដង ដោយបានបំបាក់ Thai All Stars ៤-០, ឈ្នះ Brisbane Roar ២-១ និងឈ្នះ Adelaide United ២-០ ទៀត កាលពីល្ងាចថ្ងៃច័ន្ទ។
Liverpool នឹងត្រូវប៉ះក្រុមជម្រើសជាតិម៉ាឡេស៊ី នៅកីឡដ្ឋានជាតិ Bukit Jalil National Stadium នៅថ្ងៃសុក្រ វេលាម៉ោង ០៧:៤៥នាទីល្ងាច (កម្ពុជា) ហើយក៏ជាការប្រកួតស្វែងរកជ័យជម្នះលើកទី៤ ជាប់ៗគ្នារបស់ពួកគេផងដែរ៕
-ចុចអាន៖ Liverpool ជិតទិញបានខ្សែប្រយុទ្ធ Benteke ម្នាក់ទៀតហើយ
ប្រែសម្រួល៖ វិន ជីវ័ន្ត ប្រភព៖ dailymail
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
