អាហារគ្រោះថ្នាក់ ស្ត្រីមានផ្ទៃពោះគួរជៀសវាងទទួលទាន

2014-10-14 16:16:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ការបរិភោគអាហារឱ្យបានត្រឹមត្រូវក្នុងពេលមានផ្ទៃពោះ ពិតជាសំខាន់ណាស់ ប៉ុន្តែបើទទួលទានអាហារខុស វាអាចផ្ដល់គុណវិបត្តិដល់មាតានិងទារកក្នុងផ្ទៃ។ យ៉ាងណាអាហារ និងភេសជ្ជៈមួយចំនួនខាងក្រោមនេះ ស្ត្រីមានផ្ទៃពោះគួរតែជៀសវាងបរិភោគ។

-សាច់ឆៅ ៖ អាហារសមុទ្រ សាច់គោ សាច់ជ្រូក សាច់មាន់ទា ដែលមិនទាន់ចម្អិន ឬចម្អិនមិនឆ្អិនល្អ សូមស្ត្រីមានពោះទាំងឡាយកុំបរិភោគ។ សាច់ទាំងនេះមានផ្ទុកបាក់តេរី Toxoplasmosis និង Salmonella។

-គ្រឿងសមុទ្រមានសំបក៖ សម្រាប់គ្រឿងសមុទ្រមានសំបកដូចជា គ្រំ ងាវ ខ្យង អយស្ទ័រ មិនទាន់ចម្អិនក៏មិនត្រូវទទួលទានដែរ ព្រោះគ្រឿងសមុទ្រឆៅភាគច្រើនធ្វើឱ្យមនុស្សឈឺ។ បើចង់ទទួលទានត្រូវចម្អិនឱ្យឆ្អិន។

-ស៊ុតឆៅ៖ ស៊ុតឆៅឬអាហារផ្សេងទៀត ដែលមានជាតិស៊ុតឆៅ ស្ត្រីមានផ្ទៃពោះគួរជៀសវាងដែរ ព្រោះស៊ុតឆៅ មានផ្ទុកមេរោគធ្វើឱ្យមនុស្សឈឺ។ បើចង់ទទួលទានត្រូវចម្អិនឱ្យឆ្អិន។

-ប៉ាតេ ឬប្រហិត៖ សាច់ប៉ាតេ ប្រហិត ឬសាច់ក្លាស់សេក្នុងទូទឹកកក មិនគួរបរិភោគឡើយ ព្រោះវាអាចមានមេរោគធ្វើឱ្យអាហារពុល (listeria)។ ប៉ាតេឬប្រហិតវេចខ្ចប់ជាកំប៉ុងឬទុកលើធ្នើរមានសុវត្ថិភាព អាចទទួលទានបាន។

-កាហ្វេ និង តែ៖ ទោះបីជាការសិក្សាមួយចំនួនបង្ហាញថា ការផឹកកាហ្វេល្មមមិនប៉ះពាល់សុខភាព តែការសិក្សាផ្សេងទៀតគូសបញ្ជាក់ថា ការទទួលទានកាហ្វេ មានផលប៉ះពាល់ដល់មាតា ហើយឈានទៅរកការរលូតកូន ។ ការមិនផឹកកាហ្វេនៅត្រីមាសដំបូង ជួយកាត់បន្ថយការរំលូតកូនបាន។

បើតាមក្បួនពេទ្យ ស្ត្រីមានផ្ទៃពោះ គួរផឹកកាហ្វេតិចជាង២០០ មីលីក្រាមក្នុងមួយថ្ងៃ។ កាហ្វេធ្វើឱ្យមនុស្សបាត់បង់ជាតិទឹកក្នុងខ្លួន។ ការស្រាវជ្រាវផ្សេងទៀតបង្ហាញថា កាហ្វេធ្វើឱ្យកូនកើតមិនគ្រប់ខែ កូនកើតមិនគ្រប់ទម្ងន់។ បើយកល្អស្ត្រីមានផ្ទៃពោះគ្រប់រូប មិនគួរផឹកកាហ្វេទេ បើផឹកក៏មិនគួរផឹកច្រើនដែរ។

- ស្រា៖ គ្មានការស្រាវជ្រាវណាបង្ហាញថា ស្រាមានសុវត្ថិភាព ក្នុងអំឡុងពេលមានផ្ទៃពោះទេ ដូច្នេះស្ត្រីមានផ្ទៃពោះ មិនគួរសេពគ្រឿងស្រវឹងឡើយ។ ស្រាប៉ះពាល់ដល់ការលូតលាស់ របស់ទារកក្នុងផ្ទៃ។

-បន្លែមិនស្អាត៖ ទទួលទានបន្លែ ធ្វើឱ្យមាតា និងទារកមានសុខភាពល្អ ប៉ុន្តែត្រូវច្បាស់ថា បន្លែមិនស្អាតធ្វើឱ្យប៉ះពាល់សុខភាព ព្រោះវាមានបាក់តេរី Toxoplasmosis ច្រើន។ ម៉្លោះហើយ មុននឹងបរិភោគត្រូវលាងឱ្យបានស្អាត។

-Deli Meat៖ អាហារទាំងនេះ ស្ត្រីមិនគួរបរិភោគទេពេលមានផ្ទៃពោះទេ។ អាហារប្រភេទនេះ រួមមានសាច់ជ្រូក មាន់ សាច់ក្រក, Hot dog ទៀតសោត ព្រោះវាបណ្ដាលឱ្យរលូតកូន ប៉ះពាល់សតិ ឬកូនស្លាប់ក្នុងផ្ទៃ៕