បុរសនេសាទក្រពើបាន២ម៉ឺនក្បាល ទម្លាយអាថ៌កំបាំង

2015-07-23 20:29:29
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យ៥៧ឆ្នាំ Mick Pitman មកពីទីក្រុង Darwin ភាគខាងជើងប្រទេសអូស្ត្រាលី បានរៀបរាប់ប្រាប់ពីជីវិតការងារ៣៧ឆ្នាំនៃការនេសាទក្រពើ បានជាង២ម៉ឺនក្បាល ជាពិសេសក្រពើធំប្រវែងជិត៥ម៉ែត្រ ។

បុរសដែលមានរហស្សនាម Crocodile Mick បានទទួលអាជីពជាអ្នកនេសាទក្រពើពីឪពុកចុងរបស់លោក។ ថ្មីៗនេះលោកបានចាប់ក្រពើបឹងដ៏ធំមួយក្បាល ប្រវែង៤,៩ម៉ែត្រ បន្ទាប់ពីរង់ចាំអស់រយៈពេល៤សប្ដាហ៍ ។ Mick បានប្រើកាំភ្លើង និងនុយសាច់គោដើម្បីនេសាទក្រពើនោះ។

វិធីចាប់ក្រពើរបស់ Mick មាន៤ គឺ ប្រើស្នចាក់ ប្រើកាំភ្លើងបាញ់ ប្រើងៀង និងដាក់អន្ទាក់។ សម្រាប់ការចាប់សត្វក្រពើធំចុងក្រោយនេះ លោកបានប្រើប្រាស់កាំភ្លើង។ នៅពេលវះសាច់សត្វក្រពើធំនោះ គេបានឃើញសាកសពសត្វក្រពើចំនួន៥ក្បាលទៀតនៅក្នុងពោះរបស់វា។ បន្ទាប់ពីចាប់បានក្រពើយក្សមួយនោះ Mick ចាប់បានក្រពើមួយក្បាលទៀតប្រវែង៣,៨ម៉ែត្រក្នុងថ្ងៃជាមួយគ្នានោះ។

សម្រាប់សត្វក្រពើដែលនេសាទបាន Mick ទុកសម្រាប់លក់ ឬវះសាច់ដាក់តាំងក្នុងផ្ទះ។ ក្នុងបទសម្ភាសជាមួយសារព័ត៌មាន Crocodile Mick បានឲ្យដឹងថាខ្លួនស្រលាញ់អាជីពនេះណាស់ ហើយក៏ពុំគិតថាបោះបង់វាដែរ៕