និស្សិត និង បុគ្គលិកសិក្សា ៦៥ នាក់ បានអាហារូបករណ៍ទៅក្រៅប្រទេសពីសហភាពអឺរ៉ុប

2015-07-24 17:08:55
ចំនួនមតិ 0 | ចំនួនចែករំលែក 0

ចន្លោះមិនឃើញ

និស្សិតកម្ពុជា និង បុគ្គលិកសិក្សាធិការចំនួន ៦៥ នាក់ បានទទួលអាហារូបករណ៍ពីសហភាពអឺរ៉ុប (EU) ក្រោមកម្មវិធី និង គម្រោងអាហារូបករណ៍ Erasmus Mundus / Erasmus + ដើម្បីទៅសិក្សានៅទ្វីបអឺរ៉ុប។

ជាមួយនឹងអាហារូបករណ៍នេះ និស្សិតនឹងបន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ បណ្ឌិត និង ថ្នាក់ក្រោយបណ្ឌិតនៅសាកលវិទ្យាល័យចំនួន ២៧ ក្នុងប្រទេសចំនួន ១៦ ដូចជា អូទ្រីស ប៊ែលហ្សិក ប៊ុលហ្ការី សាយប្រឺស សាធារណរដ្ឋឆែក អាល្លឺម៉ង់ អេស្តូអានី បារាំង អៀរឡង់ អ៊ីតាលី ហុងគ្រី ហុល្លង់ ព័រទុយហ្គាល់ រ៉ូម៉ានី អេស្ប៉ាញ និងស៊ុយអែត ដែលត្រូវសិក្សាលើមុខវិជ្ជា កសិកម្ម ធុរកិច្ច អប់រំ សេដ្ឋកិច្ច បរិស្ថាន វិស្វកម្ម ជលផល ព្រៃឈើ សុខាភិបាល ភូគព្ភសាស្ត្រ ព័ត៌មានវិទ្យា គ្រប់គ្រង និង អភិវឌ្ឍន៍ជនបទ។

លោក Alain Vandersmissen ភារធារីនៃប្រតិភូសហភាពអ៊ឺរ៉ុបប្រចាំនៅកម្ពុជា បានប្រាប់ថា កន្លងមកកម្មវិធីអាហារូបករណ៍ Erasmus Mundus / Erasmus + បានផ្ដល់អាហារូបករណ៍ដល់និស្សិត និង បុគ្គលិកសិក្សាកម្ពុជាចំនួន ៤៨៧នាក់ ទៅសិក្សានិងបង្រៀននៅបណ្ដាលប្រទេសនានាក្នុងទី្វបអឺរ៉ុប៕