ស៊ីន យូប៊ីន តួឯកស្រីរឿង "និស្ស័យស្នេហ៍ខ្ញុំ" ស្អាតយ៉ាងនេះ!

2014-10-14 16:27:25
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងវ័យ ១៩ឆ្នាំ កញ្ញា ស៊ីន យូប៊ីន បានជួបបទពិសោធន៍សម្ដែងភាពយន្តលើកដំបូង បន្ទាប់ពីជាប់ជយលាភីក្នុងកម្មវិធី "Freshie Boys & Girls” ជំនាន់ទី១២កាលពីឆ្នាំ ២០១៣មក។

ភាពយន្តស្នាដៃដំបូងរបស់ យូប៊ីន នាពេលនេះមានចំណងជើងថា "និស្ស័យស្នេហ៍ខ្ញុំ" ជាប្រភេទរឿងភាគដាក់បញ្ចាំងនៅលើកញ្ចក់ទូរទស្សន៍ MyTV ក្នុងនោះកញ្ញា សម្ដែងជាតួឯកស្រីឈ្មោះ "ឈូក" ជាគូនឹងកំលោះសង្ហា ខាត់ វៃហាំង ដែលល្បីក្នុងស្ប៉តពាណិជ្ជកម្មម៉ូតូ Honda 2014។ រឿងនេះ និយាយអំពីចំណងស្នេហ៍កំលោះអ្នកមានជាមួយក្រមុំកូនអ្នកក្រីក្រ គឺកញ្ញា យូប៊ីន និងកំលោះវៃហាំង។ផ្ដើមពីការរួមគ្នាបំភ័ន្តភ្នែកចាស់ៗ កំលោះក្រមុំទាំងពីរបន្តិចម្ដងៗក៏ស្រឡាញ់គ្នាតែម្តង។

កញ្ញា ស៊ីន យូប៊ីន

យូប៊ីន ប្រាប់ថា បានជួបបញ្ហាខ្លះៗ ដោយសារជាបទពិសោធន៍ដំបូង ។ "និយាយពីពិបាក គឺពិបាកដែរបង ជាលើកដំបូងរបស់ខ្ញុំ គឺពិបាកចូលតួអីចឹងណាស់ ប៉ុន្តែបានក្រុមការងារដូចជាអ្នកដឹកនាំ បងកាមេរ៉ាអីហ្នឹង គាត់ជួយណែនាំ និងលើកទឹកចិត្ត ខ្ញុំក៏ផ្ដើមមានការតាំងចិត្ត អីចឹងបន្តិចម្ដងៗ ខ្ញុំក៏អាចធ្វើបាន!"។

បើទោះសម្ដែងភាពយន្តជាការងារលើកទី១ ប៉ុន្តែនេះមិនមែនជាការសិល្បៈដំបូងរបស់តារាសម្ដែងមានកំណើតនៅរាជធានីនេះទេ។ យូប៊ីន ត្រូវបានគេស្គាល់រួចស្រេចតាមរយៈស្ប៉តពាណិជ្ជកម្មមួយចំនួន មានដូចជា ស្ប៉តស្រាបៀ Angkor Beer ស្ប៉តពាណិជ្ជកម្មទឹកអនាម័យស្ត្រី PH Care និងភេសជ្ជៈប៉ូវកំលាំង M-150 ជាដើមដែលស្ប៉តមួយនេះទៅថតដល់ប្រទេសថៃ។

ក្រៅពីនេះ កញ្ញានៅមានបទពិសោធន៍ការងារជាមួយអាជីពជាពិធីការិនីថែមទៀត។ យូប៊ីន ថ្លែងថា "ខ្ញុំកំពុងប្រឹងរៀនសូត្រអាជីពជាពិធីការិនី អីចឹងបានអត់សូវខ្ញុំឃើញសម្ដែងរឿង លើកលែងតែរឿង "និស្ស័យស្នេហ៍ខ្ញុំ" នេះ ពេលដែលខ្ញុំយក Script មកមើលហើយ ក៏ចាប់អារម្មណ៍ ទើបសម្រេចសម្ដែងជាលើកទី១តែម្ដងទៅ!”។

ក្នុងអាជីពជាពិធីការិនីកញ្ញា ស៊ិន យូប៊ីន ច្រើនលេចមុខក្នុងកម្មវិធីធំៗរបស់កម្មវិធីក្រុមហ៊ុនឯកជនមួយចំនួន។ ដោយឡែកសម្រាប់ទូរទស្សន៍វិញ អតីតស្រីស្អាតលេខ១ក្នុងកម្មវិធី Freshie Boys & Girls ឆ្នាំ ២០១៣ រូបនេះ ច្រើនចេញមុខតាមរយៈទូរទស្សន៍ MyTV ក្នុងកម្មវិធីនានារៀបចំដោយក្រុមហ៊ុន BKA Entertainment ដូចជា Khmer Super Model និងប្រឡងចម្រៀងកុមារ Kodomo ជាដើម។

អត្ថបទ៖ ឌីជេ ឡាយអិន ត្រូវភរិយាប្ដឹងសុំលែងលះ

"និស្ស័យស្នេហ៍ខ្ញុំ" រឿងនេះ បានចាក់ផ្សាយលើកញ្ចក់ទូរទស្សន៍ MyTV នាព្រលប់ថ្ងៃម្សិលមិញ នឹងត្រូវចាក់ផ្សាយរៀងរាល់ថ្ងៃចន្ទ និងអង្គារ វេលាម៉ោង ៧:៣០នាទីដល់ម៉ោង ៨:៣០នាទីយប់៕

អត្ថបទពាក់ព័ន្ធនឹងជុំវិញសិល្បៈជាតិ សូមចុចទីនេះ…!!!

អត្ថបទពាក់ព័ន្ធនឹងបញ្ហាតារាជាតិ សូមចុចទីនេះ…!!!

https://www.youtube.com/watch?v=qD8nxgs5xSI

អត្ថបទ៖ ទារិកា