វីដេអូដុំអាចម៍ផ្កាយយក្សផ្ទុកលោហធាតុប្លាទីន ៩០លានតោនហោះឆ្លងភពផែនដី

2015-07-24 20:57:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ដុំអាចម៍ផ្កាយយក្សដែលគេល្បីថាមានផ្ទុកនូវលោហធាតុប្លាកទីន ៩០ លានតោន នឹងហោះកាត់ភពផែនដីយើងនោះ ឥឡូវនេះមានវីដេអូ និងរូបភាពបង្ហាញដែលថតបានដោយឧបករណ៍កែវយឺតរបស់អង្គការ Slooh លើកោះ Canary។

ដុំអាចម៍ផ្កាយមានឈ្មោះថា 2011 UW158 ត្រូវគេជឿថាមានផ្ទុកលោហធាតុប្លាទីន ព្រមទាំងសារធាតុមានតម្លៃ និងកម្រជាច្រើនផ្សេងទៀត ហើយវានឹងហោះកាត់ភពផែនដីក្នុងចម្ងាយប្រហែលជា ២,៤ លានគ.មកាលពីថ្ងៃអាទិត្យកន្លងទៅ។

បើទោះបីជាមិនអាចមើលនឹងភ្នែកទទេបានក៏ពិតមែន ប៉ុន្តែការហោះហោះរបស់ដុំអាចម៍ផ្កាយនេះគឺត្រូវបានថតចាប់បាន និងបង្ហោះអនឡាញលើប្រព័ន្ធអ៊ីនធឺណិតដោយសហគមន៍អង្កេតការណ៍របស់អង្គការ Slooh ដែលមានទីតាំងនៅកោះ Canary។

តាមរូបភាពដែលចាប់បាន បានឲ្យដឹងថា ដុំអាចម៍ផ្កាយយក្យនេះ មានរាងចម្លែកដូចទៅនឹងផ្លែវ៉លណាត់ដែលគ្មានសំបក ហើយវាមានអង្កត់ផ្ចិត ៣០០ ម x ៦០០ ម។ នេះបើតាមការឲ្យដឹងពីអ្នកអង្កេតការណ៍របស់កម្មវិធី Planetary Radar ដែលគាំទ្រដោយកម្មវិធី Near Earth Object Observation របស់អង្គការណាសាបានបង្ហោះលើ Facebook។

ក្រុុមអង្កេតការណ៍តារាសាស្ដ្រ Arecibo Observatory បាននិយាយថា ចលនារបស់ដុំអាចម៍ផ្កាយផ្ទុកលោហធាតុប្លាទីននោះ គឺបង្វិលយឺតបំផុត (៣៧ នាទីម្ដង)។ ពួកគេបានបន្ថែមទៀតថា វាគឺជាដុំអាចម៍ផ្កាយតែមួយ មិនមែនមានការផ្គុំគ្នាពីដុំថ្មតូចៗ ដោយទំនាញនោះទេ ដូច្នេះរូបរាងរបស់វាមិនអាចបែកដោយសារតែល្បឿនបង្វិលដ៏លឿនឡើយ។ Arecibo Observatory បន្ថែមទៀតថា ពួកគេធ្លាប់ឃើញដុំអាចម៍ផ្កាយធំបែបនេះតែពីរប៉ុណ្ណោះ ពីមុនមក៕