ភ្លៀងមួយមេធំអម្បាញ់មិញ ភ្នំពេញលែងសូវលិចលង់ខ្លាំងដូចមុន

2015-08-01 00:45:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្នំពេញតែងល្បីថា ឲ្យតែភ្លៀងខ្លាំងដឹងតែលិច ជិះទៅណាពិបាកខ្លាំងមិនខាន។ តែតាមរយៈ Page ផ្លូវការរបស់សាលារាជធានីភ្នំពេញ បានបង្ហាញពីតំបន់មួយចំនួន ដែលធ្លាប់ជាមុខសញ្ញារងគ្រោះលិចលង់ដោយសារទឹកភ្លៀងធ្ងន់ធ្ងរ ពេលនេះលែងលិចខ្លាំងទៀតហើយ។

តំបន់ផ្សារកណ្ដាលដែលតែងតែលិចលង់ធ្ងន់ធ្ងរ បែរមកលិចតិចតួច ហើយទឹកបាននឹងកំពុងហូរខ្លាំងតាមប្រព័ន្ធលូថ្មី

ភ្លៀងធ្លាក់ជិត ២ម៉ោងផ្សារទួលទំពូង អត់លិចសោះ

ស្ថានភាពទឹកលិចផ្សារអូរឡាំពិកមានបន្តិចបន្តួច

នៅបរិវេណជុំវិញផ្សារអូរឬស្សី មានទឹកដក់នៅមាត់លូប្រមាណពី0,5-1ទឹក និងទឹកហូរនៅសល់តិចតួច មិនមានការលិចលង់ និងកកស្ទះទឹកនោះឡើយ ។

តំបន់ផ្សារសាមគ្គីស្ថានភាពលិចលង់គឺមិនទាន់ធ្ងន់ធ្ងរដូចឆ្នាំមុនទេ

ចំពោះតំបន់មួយចំនួនទៀត ក្នុងpage ដដែលបានបញ្ជាក់ថា៖

-តំបន់មិនលិចទឹក ទោះបីភ្លៀងខ្លាំង មានដូចជាមុខវាំង មុខស្ថានទូតចិន -តំបន់លិចស្រាលមាន ផ្សារកណ្តាល ហ្សាលដឺហ្គោល កម្ពុជាក្រោម ផ្សារមាន់អាំង អូរឫស្សី វត្តភ្នំ...

ចំណែកតំបន់មួយចំនួនដូចជាបឹងត្របែក ស្តុបផ្សារដេប៉ូនៅជាតំបន់ លិចធ្ងន់ដដែល។

សូមអាន ៖ ម៉ូតូ ឡាន រំលោភគន្លងផ្លូវគ្នាគ្មានមេត្តា រឹតកកស្ទះចរាចរណ៍ខ្លាំងឡើង

អត្ថបទ៖ លឹម សុនា ប្រភពនិងរូបភាព៖ រាជធានីភ្នំពេញ