តារា​ឆ្នើម​ Cristiano Ronaldo ​បាន​ប្រើ​ប្រាស់​ភាព​ល្បី​ល្បាញ​របស់​ខ្លួន ក្នុង​វិស័យ​បាល់ទាត់ ចង់​ទាក់​ទង​តារា​ម៉ូដែល​អូស្ត្រាលី​ម្នាក់ ដែល​នាង​មាន​សង្សារ​រួច​ទៅ​ហើយ ប៉ុន្តែ​បែរ​ជា​ជួប​ភាព​អាម៉ាស់​ទៅ​វិញ ក្រោយ​នារី​ម្នាក់​នោះ មិន​ចាប់​អារម្មណ៍​ជា​មួយ​សោះ។ នេះ​បើ​តាម​សារព័ត៌មាន​ Mirror បាន​ចុះ​ផ្សាយ។

​បើ​តាម​ប្រភព​បាន​ឲ្យ​ដឹង​ថា កីឡាករ​ឆ្នើម​របស់​ក្រុម​ Real Madrid រូប​នេះ ​ចង់​សុំ​​​នាង​ Aline Lima ​ថត​ជា​មួយ​នៅ​កន្លែង​ហាត់​ប្រាណ ប៉ុន្តែ​តារា​ម៉ូដែល​កូន​កាត់​អូស្ត្រាលី-ប្រេស៊ីល​រូប​នោះ បាន​ប្រាប់​​ថា នាង​មិន​មែន​អ្នក​នៅ​ទំនេរ​ទេ ដោយ​មាន​​មិត្ត​ប្រុស​រួច​ហើយ​ តែ​ Ronaldo នៅ​តែ​បន្ត​ថា មិន​អី​ទេ​​គ្មាន​នរណា​ដឹង​ឡើយ ធ្វើ​ស្ងាត់ៗ​ទៅ ហើយ​ក្រោយ​មក​​នាង​ក៏​បដិសេធ​ជា​ថ្មី​ម្ដង​ទៀត។

​​កីឡាករ​វ័យ​៣០​ឆ្នាំ បាន​សរសេរ​សារ​ទៅ Aline Lima លើ​ Instagram ថា៖ "តើ​ខ្ញុំ​អាច​សុំ​ថត​រូប​មួយ​ ពេល​អ្នក​នៅ​កន្លែង​ហាត់​ប្រាណ​បាន​ទេ? ក្រោយ​មក​នារី​ម្នាក់​នោះ បាន​ឆ្លើយ​តប​ថា "អត់​ទេ, មិត្ត​ប្រុស​របស់​ខ្ញុំ នឹង​មិន​សប្បាយ​ចិត្ត” ប៉ុន្តែ​ Ronaldo នៅ​តែ​បន្ត៖ "គ្មាន​នរណា​ដឹង​ទេ, baby...ស្ងាត់ៗ​ទៅ...កុំ​ឲ្យ​នរណា​ម្នាក់​ដឹង។” បន្ទាប់​មក​​អតីត​ខ្សែ​បម្រើ​ប្រយុទ្ធ​ក្រុម Manchester United រឹត​តែ​អាម៉ាស់​ថែម​ទៀត​ ​ខណៈ​ដែល​​តារា​ម៉ូដែល​ម្នាក់​នោះ​ឆ្លើយ​តប​ថា "Seriously?”។

​ជាង​នោះ​ទៀត​ Ronaldo ក៏​បាន​សុំ​លេខ​ទូរស័ព្ទ​នាង​ ដោយ​សន្យា​ថា នឹង​​ឲ្យ​សំបុត្រ​ចូល​ទស្សនា​ពេល​​ខ្លួន​លេង​ទល់​នឹង​ក្រុម​ Manchester City នៅ​កីឡដ្ឋាន Melbourne Cricket Ground ​​ក្នុង​ការ​ប្រកួត​ International Champions Cup ​ប៉ុន្តែ​នាង​បែរ​ជា​សុំ​សំបុត្រ​ឲ្យ​មិត្ត​ប្រុស​របស់​នាង​ផង​ ព្រោះ​មិត្ត​ប្រុស​របស់​នាង​ ជា​អ្នក​គាំទ្រ​ក្រុម​ Real Madrid ដ៏​ងប់ងុល​ផង​ដែរ ប៉ុន្តែ​ត្រូវ​បាន​ CR7 បដិសេធ​ថា ពិបាក​បន្តិច ដោយ​រូប​លោក​​មិន​ចង់​ជួប​ប្រុស​ទេ ចង់​ជួប​តែ​នាង​ម្នាក់​ប៉ុណ្ណោះ។

កាល​ពី​ខែ​មុន​ Ronaldo ​ក៏​ត្រូវ​បាន​គេ​សង្ស័យ​ថា ​ចាប់​អារម្មណ៍​​តារា​សម្ដែង​អូស្ត្រាលី​ដ៏​​សិច​ស៊ី​ Margot Robbie ម្ដង​មក​ហើយ​ដែរ​ ​បន្ទាប់​ពី​​ចុច Like ​រូប​ថត របស់​នារី​វ័យ​២៥​ឆ្នាំ​រូប​នោះ​​ ជា​ច្រើន​សន្លឹក​លើ​ Instagram។ ចាប់​តាំង​ពី​បែក​បាក់​ជាមួយ​មិត្ត​ស្រី​ចាស់ Irina Shayk ​​កាល​ពី​ដើម​ឆ្នាំ​​មក​ ខ្សែ​បម្រើ​ជម្រើស​ជាតិ​ព័រទុយហ្គាល់ ​ត្រូវ​បាន​គេ​សង្កេត​ឃើញ​ថា បាន​ចាប់​អារម្មណ៍​ស្រីៗ​ជា​ច្រើន​នាក់​មក​ហើយ ប៉ុន្តែ​ពុំ​បាន​បាន​សម្រេច​​ដូច​បំណង​ឡើយ ដោយ​ប៉ះ​ចំ​តែ​អ្នក​មាន​មិត្ត​​ប្រុស​រួច​ហើយ៕

-ចុចអាន៖ Ronaldo ចាប់​អារម្មណ៍​តារា​​សិច​ស៊ី​​អូស្ត្រាលី Robbie?

​ប្រែ​សម្រួល៖ វិន ជីវ័ន្ត ​ប្រភព៖ mirror