Ronaldo ចាប់អារម្មណ៍តារាសិចស៊ីអូស្ត្រាលី Robbie?

2015-07-19 21:00:39
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo ត្រូវបានគេសង្ស័យថា កំពុងតែចាប់អារម្មណ៍តារាសម្ដែងអូស្ត្រាលីដ៏សិចស៊ី Margot Robbie បន្ទាប់ពីតារាឆ្នើមក្រុម Real Madrid រូបនេះ បានចុច Like រូបថត របស់នារីវ័យ២៥ឆ្នាំ ជាច្រើនសន្លឹកលើ Instagram។

ខ្សែបម្រើជម្រើសជាតិព័រទុយហ្គាល់ ដែលបានបែកបាក់គ្នាជាមួយមិត្តស្រីចាស់ Irina Shayk កាលពីដើមឆ្នាំ បន្ទាប់ពីស្រលាញ់គ្នាអស់ពេល៥ឆ្នាំរូបនេះ បានបង្ហាញឲ្យឃើញយ៉ាងច្បាស់ថា ខ្លួនពិតជាអ្នកគាំទ្រ និងពេញចិត្តរូបភាពរបស់កញ្ញា Robbie ខ្លាំងមែនទែន ដោយបានចុច Like រូបភាពសិចស៊ីរបស់នាង៤សន្លឹកទៀតផង។

យ៉ាងណាក្ដី កញ្ញា Robbie ដែលកំពុងតែមមាញឹកនឹងថតសាច់រឿងថ្មី Suicide Squad ជាមួយនឹងតារាមួយចំនួនទៀតដូចជា Will Smith, Cara Delevingne និង Jared Leto ជាដើមនោះ គឺមានមិត្តប្រុសរួចទៅហើយ ដូច្នេះ Ronaldo មិនអាចលើសពី Fan បានឡើយ។

តារាសម្ដែងវ័យ២៥ឆ្នាំ Robbie មានទំនាក់ទំនងជាមួយនឹងមិត្តប្រុសរបស់នាង Tom Ackerley អស់រយៈពេលជាង១ឆ្នាំមកហើយ។

ដោយឡែក ងាកទៅការប្រកួតរបស់ Ronaldo នៅប្រទេសអូស្ត្រាលីម្សិលមិញវិញ តារាឆ្នើមវ័យ៣០ឆ្នាំរូបនេះ លេងបានតែតង់ទី១ប៉ុណ្ណោះ ហើយក៏ត្រូវអ្នកចាត់ការដូរចេញ និងមិនបានស៊ុតចូលទីទេ ខណៈដែលក្រុម Real Madrid បានចាញ់ Roma ដោយបាល់ប៉េណាល់ទីកាត់សេចក្ដីថែមទៀត៕