ឈុតសិចលើខ្នងសេះរបស់ Fan Bingbing ក្នុងរឿងថ្មីត្រូវកាត់ចេញហើយ?

2015-08-03 16:52:43
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីឈុតក្ដៅសាច់របស់ Fan Bingbing និង Leon Lai នៅលើខ្នងសេះក្នុងភាពយន្តបុរាណចិន "Lady of the Dynasty” ក្លាយជាប្រធានបទក្ដៅក្នុងបណ្ដាញសង្គម ពេលនេះមានពាក្យចចាមអារ៉ាមពីអ្នកដែលបានទស្សនារឿងនេះរួចថា ឈុតទាំងនោះត្រូវបានកាត់ចេញពីផ្ទៃរឿងហើយ។

គ្រាន់តែឮដំណឹងនេះភ្លាមអ្នកនាំពាក្យផលិតកម្មរបស់តារាវ័យ៣៣ឆ្នាំ Fan Bingbing បានចេញមកបដិសេធថាគ្មានការកាត់ចេញអ្វីនោះទេ។

រឿង "Lady of the Dynasty”ត្រូវបានដាក់បញ្ចាំងជាផ្លូវការតាំងពីថ្ងៃទី៣០ខែកក្កដានៅចិនដីគោក។ បើតាមសម្ដីរបស់ទស្សនិកជនដែលបានទៅទស្សនារឿងបុរាណមួយនេះរួចបាននិយាយថា៖"ឈុតក្ដៅសាច់រវាង Fan និង Leon ក្នុងរឿងត្រូវបានគេកាត់ចេញពេលបញ្ចាំងក្នុងរោងភាពយន្ត"។

ចំពោះបញ្ហាដ៏ក្ដៅគគុកមួយនេះតំណាងផលិតកម្មដែលផលិតរឿង "Lady of the Dynasty” បានចេញមកបកស្រាយថា គេបានសម្រេចកាត់ឈុតមួយចំនួនពិតមែនប៉ុន្តែចំពោះប្លង់ស្រើបស្រាលនៅពេលដែល Leonចាប់ហែកអាវរបស់ Fan ខណៈពួកគេជិះលើខ្នងសេះមិនបានកាត់នោះទេព្រោះវាមិនមានការប៉ះពាល់អ្វីនៅក្នុងរឿងឡើយ។

ភាពយន្ត “Lady of the Dynasty” បង្ហាញពីរឿងរ៉ាវស្នេហារបស់ស្រីស្អាត Yang Guifei (តួ Fan Bingbing) និងព្រះចៅអធិរាជអំឡុងពេលមានសង្គ្រាម នាសម័យរាជវង្សថាង ៕