Arsenal ត្រៀម៨០លានដុល្លារអាមេរិក ដាក់ស្នើទិញ Benzema ពី Real ជាថ្មី

2015-08-03 22:24:45
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Arsene Wenger អ្នកចាត់ការក្រុម Arsenal កំពុងត្រៀមកញ្ចប់ទឹកប្រាក់៤៦លានផោន (៨០លានដុល្លារអាមេរិក) ដើម្បីដាក់ស្នើទិញយកកីឡាករ Karim Benzema ម្ដងទៀតពីក្រុម Real Madrid ។

យោងតាមកាសែត AS របស់អេស្ប៉ាញបានចុះផ្សាយកាលពីម្សិលមិញនេះថា កាំភ្លើងធំនៅតែមានចិត្តចង់បានខ្សែប្រយុទ្ធ Benzema របស់ក្រុមអធិរាជសជានិច្ច បើទោះបីជាធ្លាប់ដាក់សំណើទិញម្ដងជាពីរដងអត់បានក៏ដោយ។ បន្ទាប់ពីបានទទួលការគាំទ្រឱ្យទិញកីឡាករថ្លៃៗពីប្រធានក្លិប លោក Wenger ក៏បានសម្រេចដំឡើងតម្លៃខ្លួនកីឡាករសញ្ជាតិបារាំងខាងលើរហូតដល់ទៅ៤៦លានផោន ដើម្បីឱ្យក្រុម Real មិនអាចប្រកែកបាន។

តែទោះជាយ៉ាងនេះក្ដី ប្រភពខាងលើបានបន្តទៀតថាលោក Rafael Benitez មិនទាន់សម្រេចយ៉ាងណានៅឡើយទេ បើទោះបីជាក្រុម Arsenal ដាក់តម្លៃខ្លួនខ្ពស់យ៉ាងនេះក៏ដោយ ខណៈដែលអតីតអ្នកចាត់ការក្រុម Napoli រូបនេះកំពុងតែស្វែងរកមើលខ្សែប្រយុទ្ធថ្មីនៅឡើយ។

Wenger ពេញចិត្តទម្រង់លេង Benzema តាំងពីយូរណាស់មកហើយ ដោយធ្លាប់ចរចាទិញជាច្រើនលើកតែមិនបានសម្រេចនោះទេ ព្រោះមិនហ៊ានឱ្យតម្លៃខ្លួនខ្ពស់។ តែពេលនេះ បន្ទាប់ពីខាងប្រធានក្លិបប្រកាសផ្ដល់ប្រាក់២០០លានផោនដើម្បីទិញកីឡាករថ្មីហើយនោះ អ្នកចាត់ការសញ្ជាតិបារាំង បាននិយាយថាលោកនឹងធ្វើគ្រប់វិធីសាស្ត្រដើម្បីទិញបានខ្សែប្រយុទ្ធវ័យ២៧ឆ្នាំខាងលើ៕

ចុចអាន៖ Real ចង់បាន Aguero បើអាចលក់ Benzema ចេញរដូវក្ដៅនេះ

ប្រែសម្រួល៖ មុន្នី រម្យ ប្រភព៖ dailymail