ឥណ្ឌាបិទវិបសាយបង្ហោះរឿងសិចជាង៨០០វិបសាយ

2015-08-04 18:09:44
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃអាទិត្យកន្លងទៅ តុលាការកំពូលរបស់ប្រទេសឥណ្ឌាបានប្រកាសបញ្ជាឲ្យក្រុមហ៊ុនផ្ដល់សេវាអ៊ីនធឺណិតក្នុងប្រទេសឥណ្ឌាទាំងអស់ធ្វើការបិទដំណើរការវិបសាយសិចជាង ៨០០វិបសាយ។

មន្ត្រីជាន់ខ្ពស់ម្នាក់ពុំបានបញ្ចេញឈ្មោះបានប្រាប់ទៅកាន់សារព័ត៌មាន BBC Hindi ថា នាយកដ្ឋានទូរគមនាគមន៍របស់ឥណ្ឌាបានប្រាប់ឲ្យក្រុមហ៊ុនទូរគមនាគមន៍ និងក្រុមហ៊ុនផ្ដល់សេកម្មអ៊ីនធឺណិតទាំងអស់ក្នុងប្រទេសឥណ្ឌាឲ្យធ្វើការបិទវិសាយសិចចំនួនសរុប ៨៥៧ វិបសាយ។

លោកបន្ថែមទៀតថា ការបិទនេះគឺមិនមែនទាំងស្រុងនោះទេ នេះគឺគ្រាន់តែជាការតាមដានទៅលើកុមារក្នុងប្រទេសឥណ្ឌាដែលបានបើកមើលវិបសាយទាំងនេះ ហើយមួយវិញទៀតនោះគឺដើម្បីរក្សាវប្បធម៌របស់ឥណ្ឌាផង។ ចំណែកឯយុវវ័យវិញគឺនៅតែអាចបើកមើលបានដដែល ដោយការប្រើ VPNs ឬ Proxy Servers។

ការប្រកាសឲ្យបិទនេះគឺគ្រាន់តែជាការសម្រិចចិត្តបណ្ដោះអាសន្នតែប៉ុណ្ណោះ។ ចំពោះគោលនយោបាយទប់ស្កាត់រយៈពេលយូរទៅលើវិបសាយទាំងនេះ នាយកដ្ឋានទូរគមនាគមន៍នឹងអនុវត្តនៅពេលក្រោយ។ នេះបើតាមការបញ្ជាក់បន្ថែមរបស់មន្រ្តីរូបនេះ។

បើតាមការឲ្យដឹងពីនាយកក្រមហ៊ុនទូរគមនាគមន៍ម្នាក់ពុំបានបញ្ចេញឈ្មោះបានប្រាប់ទៅកាន់សារព័ត៌មាន The Times of India ថា ពួកគេមិនអាចបិទម្ដងទាំងអស់បាននោះទេ ដោយពួកគេត្រូវធ្វើការបិទម្ដងមួយៗ ដូច្នេះពួកគេត្រូវចំណាយពេលពីរទៅបីថ្ងៃក្នុងបិទវិបសាយទាំងនេះ។ តាមទិន្នន័យស្ថិតិបានបង្ហាញថា ឥណ្ឌាគឺជាទីផ្សាររឿងសិច (Pornhub) ធំបំផុតលំដាប់ទីបួនក្នុងឆ្នាំ ២០១៤ ដោយនៅពីក្រោយ អាមេរិក អង់គ្លេស និងកាណាដា៕

អានបន្ត៖ រុស្សីកំពុងពិចារណាបិទ Facebook ដោយសារតែរូប Emoji

ប្រែសម្រួល៖ សំនៀង

ប្រភព៖ bbc