ថ្ងៃ​ទី០៩ ខែ​សីហា ឆ្នាំ​១៩៤៥ គឺ​ជា​សោកនាដកម្ម​នៃ​ការ​ទម្លាក់​គ្រាប់​បែក​បរមាណូ​ទី​ពីរ​របស់​សហរដ្ឋអាមេរិក មក​លើ​ក្រុង​ណាហ្កាសាគី របស់​ប្រទេស​ជប៉ុន ដែល​គិត​មក​ត្រឹម​ថ្ងៃ​នេះ មាន​រយៈ​ពេល ៧០​ឆ្នាំ​​គត់។ គ្រាប់​បែក​ទី​ពីរ​មាន​ឈ្មោះ​ថា Fat Man ដែល​មាន​អនុភាព​ខ្លាំង​ក្លា​លើស​គ្រាប់​បែក​ទម្លាក់​លើ​ក្រុង​ហ៊ីរ៉ូស៊ីម៉ា​ដល់​ទៅ ១០​ដង។

ដើម្បី​បង្ខំ​ឲ្យ​ជប៉ុន​ចុះ​ចាញ់​សង្គ្រាម​លោក​លើក​ទី​ពីរ សហរដ្ឋអាមេរិក​បាន​បង្កើត​គ្រាប់​បែក​បរមាណូ​ដ៏​មាន​អនុភាព​ខ្លាំង​ក្លា ២​គ្រាប់។ គ្រាប់​បែក​ទី​មួយ​ឈ្មោះ Little Boy ត្រូវ​ទម្លាក់​លើ​ក្រុង​ហ៊ីរ៉ូស៊ីម៉ា នៅ​ថ្ងៃ​ទី០៦ ខែ​សីហា ឆ្នាំ​១៩៤៥។ ចំណែក​គ្រាប់​បែក​ទី​ពីរ​មាន​ឈ្មោះ Fat Man ត្រូវ​ទម្លាក់​លើ​ក្រុង​ណា​ហ្កាសាគី នៅ​ថ្ងៃ​ទី០៩ ខែ​សីហា ឆ្នាំ​១៩៤៥។ ចង់​ដឹង​ថា​គ្រាប់​បែក​ទាំង​ពីរ​ខុស​គ្នា​យ៉ាង​ណា សូម​មើល​ការ​ប្រៀប​ធៀប​ខាង​ក្រោម៖

១. គ្រាប់​បែក​បរមាណូ Little Boy

- ទម្ងន់៖ ៤៣៩៩​គីឡូក្រាម - ប្រវែង៖ ៣​ម៉ែត្រ - អង្កត់​ផ្ចិត៖ ០,៧១​ម៉ែត្រ - កម្លាំង​ផ្ទុះ៖ ស្មើ​នឹង​សារជាតិ TNT ១៥០០០​តោន - អានុភាព៖ ចាញ់​គ្រាប់​បែក​បរមាណូ Fat Man ទម្លាក់​នៅ​ណាហ្កាសាគី​ ១០​ដង - ​យន្តហោះ​ផ្ទុក៖ ម៉ាកB-29 Enola Gay បញ្ជា​ដោយ​អាកាសយានិក Paul Tibbets - ទម្លាក់​លើ​ក្រុង​ហ៊ីរ៉ូស៊ីម៉ា នៅ​ថ្ងៃ​ទី០៦ ខែ​សីហា ឆ្នាំ​១៩៤៥

វីដេអូ​បង្ហាញ​ពី​ការ​ទម្លាក់​គ្រាប់​បែក​​លើ​ក្រុង​ហ៊ីរ៉ូស៊ីម៉ា៖

២. គ្រាប់​បែក​បរមាណូ Fat Man

- ទម្ងន់៖ ៤៨៩៩​គីឡូក្រាម - ប្រវែង៖ ៣,៣​ម៉ែត្រ - អង្កត់​ផ្ចិត៖ ១,៥​ម៉ែត្រ - កម្លាំង​ផ្ទុះ៖ ស្មើ​នឹង​សារជាតិ TNT ២១០០០​តោន - អានុភាព៖ ស្មើ​នឹង ១០​ដង នៃ​គ្រាប់​បែក​បរមាណូ Little Boy ទម្លាក់​នៅ​ហ៊ីរ៉ូស៊ីម៉ា - ​យន្តហោះ​ផ្ទុក៖ ម៉ាក B-29 Bockscar បញ្ជា​ដោយ​អាកាសយានិក Charles Sweeney - ទម្លាក់​លើ​ក្រុង​ណាហ្កាសាគី នៅ​ថ្ងៃ​ទី០៩ ខែ​សីហា ឆ្នាំ​១៩៤៥

វីដេអូ​បង្ហាញ​ពី​ការ​ទម្លាក់​គ្រាប់​បែក​​លើ​ក្រុងណាហ្កាសាគី៖ 

ប្រែ​សម្រួល៖ គង់ វិសាល ប្រភព៖ atomicheritage